Türkmənbaşıda Azərbaycan və Mərkəzi Asiya Dövlət Başçılarının 8-ci Məşvərət görüşü keçirilib

Oktyabrın 8-də Türkmənistanın Türkmənbaşı şəhərində Azərbaycan Respublikası və Mərkəzi Asiya Dövlət Başçılarının 8-ci Məşvərət görüşü keçirilib.

Azərbaycan Respublikasının Prezidenti İlham Əliyev görüşdə iştirak edib və çıxış edib.
Sammitdə Azərbaycan ilə Mərkəzi Asiya ölkələri arasında siyasi, iqtisadi, nəqliyyat, enerji, investisiya və digər sahələrdə əməkdaşlığın genişləndirilməsi məsələləri müzakirə olunub. Dövlət başçıları regionlararası əlaqələrin daha da möhkəmləndirilməsi, nəqliyyat-kommunikasiya imkanlarının artırılması və qarşılıqlı faydalı tərəfdaşlığın inkişafı ilə bağlı fikir mübadiləsi aparıblar.

Prezident İlham Əliyevin görüşdə çıxışı zamanı Azərbaycanın Mərkəzi Asiya ölkələri ilə münasibətlərə verdiyi xüsusi əhəmiyyət diqqətə çatdırılıb. Azərbaycanın Şərq-Qərb və Şimal-Cənub nəqliyyat dəhlizlərinin inkişafında fəal rolu, enerji və logistika sahələrində həyata keçirilən layihələrin regional əməkdaşlığa verdiyi töhfələr vurğulanıb.
Görüş Azərbaycanın Mərkəzi Asiya ilə strateji tərəfdaşlığının daha da dərinləşdirilməsi baxımından mühüm platforma kimi qiymətləndirilir.

Baku TV-nin Türkmənbaşıda keçirilən 8-ci Məşvərət görüşü ilə bağlı hazırladığı materialı təqdim edirik.

Telegramda izləyin