İntihar edən Hacı Məmmədov mərhum xalq artistinin yaxın dostu olub- FOTO

Xəbər verdiyimiz kimi, Daxili İşlər Nazirliyinin (DİN) keçmiş polkovniki, çoxsaylı sifarişli qətllər, adam oğurluqları, quldurluq cinayətlər törətmiş dəstənin başçısı Hacı Məmmədov intihar edib.

Mərhum H.Məmmədovun adı bir zamanlar mərhum xalq artistimiz İlhamə Quliyevanın adı ilə birgə hallanmışdı.

Bu məlumatı mediaya elə xalq artistimiz Aygün Kazımova yaymışdı. O, İlhamə Quliyevanın adam oğurluğu ilə həbs olunan Hacı Məmmədovla dost birliyində, iş birliyində ittiham etmişdi:

"İlhamə xanım, İlhamə Qarabulağlı soyadı ilə Qarabulaqda asılan plakatınız və adam oğurluğu ilə həbs olunan Hacı Məmmədov adlı yaxın dostunuzu deyəsən yaddan çıxartmısınız. Həəə?? Bəlkə elə bu işlərdə sizin də əliniz olub,? Yaxın dostunuzun adı da o siyahıda idi. Oğurlananlar siyahısını da unutmusunuz? Qocalıq əlamətidir. Yadına daha geniş müsahibəmdə salaram".

Sözügedən şayiənin yarandığı vaxt mərhum xalq artistimiz məsələylə bağlı BiG.AZ-a açıqlama vermiş, haqqında yayılan xəbərləri təkzib etmişdi:

"Hacı Məmmədov mənim dostumdur. Hacı Məmmədovla biz çox yaxınıq. İndi də münasibətimiz var. Dost olmuşuq, olacağıq da... Bundan Aygünə nə var? Aygünə qalıb? Yenə deyirəm Hacı Məmmədov mənim, dostumdur bəs Aygünün nəyidir?! İstəmirəm Aygünün öz ampulasında ona cavab vermək. Aygünün başı xarabdır, yazıq dəli olub".

mənbə: BiG.AZ

Telegramda izləyin