"Dilican istiqamətində ermənilər hər zaman çaqqalıq ediblər" - AÇIQLAMA

Ermənistanın Dilican (Tavuş) vilayətinin qubernatoru Hayk Qalumyan Azərbaycanla həmsərhəd rayonlardan əhalinin təxliyyəsi ilə bağlı planın yeni redaksiyasının hazırlanması barədə sərəncam imzalayıb. O, sərəncamı ermənilər üçün burada qalmağın təhlükəli olduğu səbəbilə imzaladığını deyib. Qalumyanın belə bir sərəncam imzalamasının əsl səbəbi nədir?

Məsələ ilə bağlı Sonxeber.az-a açıqlama verən politoloq Tofiq Abbasov bildirib ki, Qazax, Dilican istiqamətində yaşayan ermənilər o əraziləri boşaltmalıdırlar:

"Onların imzaladığı bu cür sərəncamların hamısı ona hesablanır ki, guya Azərbaycan tərəfdən ermənilərə təhdid var. Əslində olan isə odur ki, Dilican istiqamətində ermənilər hər zaman çaqqalıq ediblər. Onların əsas məqsədi odur ki, Minsk qrupunu, beynəlxalq təşkilatları meydana salsınlar.

Qazax, Dilican (Tavuş) bölgəsində ermənilərin yaşadığı ərazilərimiz var ki, Ermənistan tərəfi oranı boşaltmalıdır. Onlar hər zaman Azərbaycanı dünyaya işğalçı dövlət kimi tanıtmaq istəyiblər. Əslində olan isə odur ki, işğalçı dövlət də, işğalçılığa meyillilik edən də Ermənistanın özüdür. Gərginliyi hər zaman Ermənistan tərəfi yaradır, çünki Ermənistanın qonşu dövlətlərə də ərazi iddiası var. Biz bölgədə yeni status-kvo formalaşdırdığımız üçün onlar anlayırlar ki, heç bir güzəşt olmayacaq".

Aytəkin CƏLALİ

Telegramda izləyin

instagramda izləyin