Hərbi qulluqçumuz İNTİHAR ETDİ: Komandiri hansı CƏZA GÖZLƏYİR? - AÇIQLAMA

Xəbər verdiyimiz kimi, Müdafiə Nazirliyinin "N" saylı hərbi hissəsinin hərbi qulluqçusu, əsgər Vəli Asəf oğlu odlu Abbasov silahdan istifadə etməklə özünü öldürüb. Bu barədə Respublika Hərbi Prokurorluğundan məlumat verilib.

Bildyimiz kimi, qarşılıqlı münasibətlərin pozulması fonunda yaxud özəl bir səbəbdən hərbçilərin, əsgərlərin intihar etməsi halları, silahla ehtiyatsız davranma halları müşahidə olunur. Hər bir hadisə hüquq mühafizə orqanları tərəfindən araşdırılır. Hərbi qulluqçular arasında silahla özünü öldürmə halları ciddi məsələdir və həm də hüquqi əhəmiyyət kəsb edir. Əsgərə nəzarət onun tabe olduğu komandirlərə aiddir. Belə olan təqdirdə odlu silahla özünü öldürən əsgərin komandirini hansı cəza gözləyir?

Mövzu ilə bağlı Sonxeber.az-a danışan hüquqşünas Əkrəm Həsənov deyib ki, bu kimi hallarda komandirlər verilən məsuliyyətdən danışarkən bir neçə məqama diqqət yetirmək lazımdır. Komandirlər isə "Azərbaycan Respublikası Silahlı Qüvvələrinin Daxili xidmət nizamnaməsi" və işin içində cinaət əməli varsa Cinayət Məcəlləsinə uyğun olaraq cəzalandırılır:

"Hüquq-mühafizə orqanları tərəfindən baş verən hadisənin səbəbləri araşdırılır. Aydın olursa ki, komandir əgər əsgərə atəş açırsa, bu zaman Cinayət Məcəlləsinin qəsdən adam öldürmə maddəsi ilə cəzalandırılır. Komandirin əsgərə atəş açmaqda günahı yoxdursa, burada heç bir məsuliyyətdən söhbət gedə bilməz. Əgər əsgər özünə qəsd edirsə, burada geniş araşdırma aparılır. Komandir əgər pis rəftar edirsə, cinayət məsuliyyətinə cəlb edilə bilər. Eyni zamanda əsgərin silahdan ehtiyatsız istifadə etdiyinə görə sübutlar lazımdır. Komandir əsgəri düzgün məlumatlandırmayıbsa və düzgün təlim keçməyibsə bu zaman onu cinayət məsuliyyətinə cəlb etmək olar. Cinayət məsuliyyəti üzrə aparılan araşdırmalar ağırdır. Əgər hərbi prokurorluq müəyyən etsə ki, hərbçinin özünü öldürməsində komandirlərin cinayət tərkibli fəaliyyəti olubsa, onlar məsuliyyət daşıyırlar. Əgər hərbi prokurorluq müəyyən etsə ki, hərbçinin intiharında komandirlərin cinayət tərkibli fəaliyyəti olubsa, onlar məsuliyyət daşıyırlar.Bu baxımdan məsələnin cinayət tərəfi detallı araşdırılmalıdır.

Əkrəm Həsənovun sözlərinə görə, hərbi xidmətdə çox zaman baş verənləri bilmək çətin olur:

Əsgərin başına gələn hadisəyə görə komandirə "Azərbaycan Respublikası Silahlı Qüvvələrinin Daxili Xidmət Nizamnaməsi"nə uyğun olaraq töhmət verilə bilər. Yəni komandir hərbi xidmətə görə məsuliyyət daşıyır. Yəni veriləcək cəza Cinayət Məcəlləsinə uyğun olan bir hal deyil. Sözügedən cəza tədbirləri nizamnamədə göstərilmişdir".

Xatırladaq ki, daxil olmuş məlumat əsasında Şəmkir hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları idarəsinin əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb, eləcə də izahatlar alınıb və digər hərəkətlər icra edilib. Fakt üzrə Şəmkir hərbi prokurorluğunda Azərbaycan Respublikası Cinayət Məcəlləsinin müvafiq maddəsi ilə cinayət işi başlanılaraq şahidlər dindirilib, müxtəlif ekspertizalar təyin edilərək, icraya yönəldilmiş və təxirəsalınmaz zəruri istintaq hərəkətləri həyata keçirilib. Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaq.

Sevda Səfərova

Telegramda izləyin