Qarabağ qazisinin şəxsi mülkünü kim qanunsuz SÖKÜB? -VİDEO+FOTO

Vəfat edən Birinci Qarabağ müharibəsi qazisi Vəliyev Şakir İbrahim oğluna verilən iki qaraj heç bir rəsmi sənəd təqdim edilmədən bir qrup şəxs tərəfindən sökülüb.

Qazinin oğlu İbrahimov İbrahim Şakir oğlu və onun qohumu Məmmədov Xanməmməd Yusif oğlu Sonxeber.az-a açıqlamalarında qeyd ediblər ki, həmin şəxslər heç bir sənəd təqdim etmədən şəxsi mülkə hücum ediblər:

"Qarajların söküntüsü sentyabrın 29-dan başlayıb. Söküntü zamanı qarajlardakı avadanlıqlarımız çölə töküləndə hətta 7-8 min manatlıq oğurluğun olduğunu da müəyyən etdik. Sökülən qarajların bütün sənədləri qaydasındadır və hər ay zamanında vergimizi də ödəmişik".

Bundan əlavə, İbrahim İbrahimov atasının ulu öndər Heydər Əliyev tərəfindən təltif edildiyini də vurğulayıb.

Sonxeber.az-ın əməkdaşları İbrahim İbrahimovun qeyd etdiyi ərazidə olublar.

Ərazidə çəkiliş edən zaman oradakı səlahiyyətli şəxslərdən biri olan Mənzil Kommunal Təsərrüfat Birliyinin rəhbəri Elmin Zamanov və özünü təqdim etməyən digər şəxslər əməkdaşlarımızın suallarını cavablandırmaqdan imtina ediblər.

Məsələ ilə bağlı hazırladığımız geniş videoreportajı oxucularımıza təqdim edirik:

Aytəkin Cəlali
VİDEO-FOTO: Pərviz Allahverdiyev

Telegramda izləyin