Azərbaycanda kişi "uşaq səndən deyil" sözünə görə hamilə arvadını dənizdə boğdu

Azərbaycanda kişi "uşaq səndən deyil" sözünə görə hamilə arvadını dənizdə boğdu2020-ci ilin avqustun 7-də 1986-cı il təvəllüdlü Anar Əhmədovun hamilə həyat yoldaşı Şəhanə Əhmədovanı dənizdə boğub öldürməsinin təfərrüatı məlum olub.

Cinayətin baş verməsinə səbəb olan motivləri təqdim edir.

Anarı cinayətə təhrik edən düşüncələrə keçməzdən öncə onun mərhum Şəhanə ilə ailə təməli qurmasına və sonrakı gedişatlara nəzər yetirək.

Anar hərbi xidmətdən qayıtdıqdan sonra, Ağdaşda təsərrüfat işləri ilə məşğul olub, gündəlik qayğılarını və ehtiyaclarını qarşılayır. Sakit, el dili ilə desək, heç kimlə işi olmayan Anar 2003-cü ildə Şəhanə ilə tanış olur, onlar arasında münasibətlər istiləşir və evlənmək qərarına gəlirlər. Dörd illik münasibətdən sonra onlar 2007-ci ilin mayında ailə həyatı qururlar. Ağdaşın Ərəbşəki kəndində yaşayırlar, ancaq ailənin ehtiyaclarını qarşılamaq çətinləşir, çünki rayonda ailəni dolandırmaq üçün normal maaşa iş tapmaq müşkülə çevrilir.

Anar və Şəhanə rayonlarda yaşayan bir çox cütlük kimi daha çox iş imkanı olan coğrafiyaya üz tuturlar, onlar evlilikdən 6 ay sonra Abşeron rayonunun Saray qəsəbəsinə, oradan da Sumqayıt şəhərinə köçürlər.

Onların bu nikahdan iki övladı dünyaya gəlir. Anar işləyir, qazanır, artıq özünə bir ev tikmək qərarına gəlir. 2010-cu ildə Sumqayıtın Xəzri yaşayış massivindən torpaq alaraq özünə ev tikir...

Eyni xarakterli adamlar

Ancaq sən demə bu evin bünövrəsi üzərində ucalan ev cütlüyün ailə təməllərini sarsıdan səbəblər sırasına əlavə olunur. Belə ki, Anar evinə anası və bacısını da köçürür, onlar birlikdə yaşayırlar. Bir müddətdən sonra Şəhanə etiraz edir, o, ailəsi ilə tək yaşamaq istədiyini dilə gətirir...

Əslində ailədə söz-söhbətlərin tarixi ev məsələsindən də əvvələ gedib çıxır. Ərlə arvadın ikisi də eyni düşüncədədir, onların ikisi də aşırı qısqancdır. Bir-birlərini qısqanırlar. Evləndikdən bir müddət sonra Şəhanənin qonşuluqlarında yaşayan bir qadınla mübahisəsi düşür. Çünki qonşuluqdakı qadınla Anar bir-birlərini gördükdə salamlaşır, hal-əhval tuturmuş. Şəhanə isə bunu düşüncələrinin həzminə verə bilmir, qısqanclığın yaratdığı hikkədən dolayı həmin qadına son sözünü deyir: "Bir də Anara salam vermə".

Anar da xarakterinə görə həyat yoldaşından geri qalmır. Qarşılıqlı qısqanclıq mübahisələri dərinləşdirir və bu, tərəflərin bir-birinə qarşılıqlı qadağa şərtləri ilə nəticələnir.

Hətta vəziyyət o həddə çatır ki, Şəhanə Qəbələdə bacısının toyunda olarkən Anar onu toy çadırına buraxmır, səbəb isə sadədir: Çadırda kişilər var!

Toy bitdikdən sonra Şəhanə valideynləri ilə danışır, Anarla dolana bilmədiyini deyir. Boşanmaq məsələsi ailənin müzakirəsinə çıxarılır, amma bu da var ki, qısqanclığın paralelində onların münasibətlərini soyuqlaşdıran Anarın anası və bacısı ilə birgə yaşamaq qərarından vaz keçməməsi dayanırdı...

Şəhanə boşanmaq qərarından vaz keçir, amma ər-arvad arasındakı münasibətlərdə buzlar ərimir.

Mübahisələr davam edir, artıq Anar Şəhanəyə əl qaldırır, istintaqa verilən ifadələrdən aydın olur ki, Anar Şəhanəni bir neçə dəfə vurub.

Şəhanə 2019-cu ildə atası evinə yollanır, 2020-ci ilin iyul ayına qədər orada qalır...

Ailənin arzusu suda boğuldu...

Anarla Şəhanənin nikahından iki qız övladı dünyaya gəlib, ailədə nə qədər mübahisələr olsa da, onlar oğlan övladlarının olmasını da arzulayıblar. Taleyin işinə bax ki, Şəhanə öldürülərkən hamilə imiş, özü də bətnindəki körpənin cinsiyyəti də oğlan imiş.

Anar və Şəhanə nə qədər mübahisə etsələr də, bir-birlərindən ayrıla da bilmirlər, Şəhanə 2020-ci ilin iyul ayında Anara zəng edərək onunla danışır və onlar yenidən bir yerdə yaşayırlar. Amma bu zəng sən demə Şəhanə üçün çalınan "əcəl zəngi"nin müqəddiməsi imiş.

Necəsə, ailə 2020-ci ilin avqustun 7-də Novxanı çimərliyinə gedirlər. Ancaq çimərlikdə də ər-arvad arasında mübahisə yaranır, yenidən boşanmaq məsələsi onların danışıqlarında qırmızı xətt kimi keçir.

Şəhanə boşanacaqları halda uşaqların onda qalacağını bildirir, bu barədə övladlarının da fikirlərinə müraciət edirlər.

Qız övladları ataları ilə qalmaq istədiklərini bildirir, Şəhanə isə bundan hiddətlənir və hədə-qorxu gəlməyə başlayır. O, uşaqların atası ilə qalacağı təqdirdə övladlarını öldürəcəyini bildirir.

İstintaqa əsasən, ərlə-arvad arasında emosiyalar soyuyandan sonra onlar axşam saat 9-da dənizə girirlər. Az sonra isə ər dənizdən qayıdır, övladlarından analarının yerini soruşur.

Uşaqlar bilmədiklərini deyir, Anar isə bu zaman arvadının dənizdə boğulduğunu uca səslə bildirir. Hadisə uşaqlara pis təsir edir, çünki onlar "anamızın qarnındakı uşaq da öldü?" deyə sual edirlər.

Polisə məlumat verilir, sahə rəisi əraziyə gəlir. Söhbət zamanı Anar arvadı Şəhanəyə üzməyi öyrətdiyini, qaranlıq vaxtı dənizə girdiklərini və bir müddət sonra sonuncunu yuyunub hazırlanması üçün uşaqlarının yanına göndərdiyini özünün isə suda qaldığını deyir.

Lakin polis Anarın ziddiyyətli danışdığını o dəqiqə anlayır.

Polis əməkdaşı Anara deyir:

"Əgər arvadın üzə bilmirsə nə üçün onu geriyə tək göndərmisən və niyə qaranlıq vaxtı dənizə girmisiz?" - 1-0 polisin xeyrinə, çünki Anar bu suallara cavab verməkdə çətinlik çəkir.

Polis 2-ci "qolu" da vurur. Belə ki, Anarı işıqlı yerə çəkəndə onun sifətinin sol nahiyəsində, qollarında cırmaq izləri görür.

O, Anardan həmin xəsarətlər barədə soruşduqda o, uşaqlarını dənizdə çimizdirərkən həmin xəsarətlərin uşaqları tərəfindən yetirildiyini deyir. Polis isə soyuqqanlılığını itirmədən qətiyyətlə Anara "Sənin sifətində, qollarında olan cızıqlar çox dərindir uşaqlar tərəfindən yetirilməsi qeyri-mümkündür" deyərək sonuncuya üzərində olan köynəyi çıxartmağı təklif edir.

Anar köynəyini çıxartdıqdan sonra polis onun boğazında, sinəsində, belində, qarın nahiyələrində dərin və çoxsaylı cırmaq izlərinin olduğunu görür.

Polisin sualları intensivləşir, cavab verə bilməyən Anar isə törətdiyi cinayəti etiraf edir...

İstintaq materiallarına əsasən, cinayətin baş vermə anını təsvir etməyə çalışaq. Anar Şəhanəni dənizdə üzmək adı ilə qaranlıqda gözlə görünə bilən ərazidən uzaqlaşdırır.

Ər vəziyyətdən istifadə edir, Şəhanənin suda boğulması fəaliyyətinə başlayır. Şəhanə bir neçə dəfə sudan çıxmaq istəsə də, o sonuncunun boyun və başından tutaraq yenidən suya salır. Anar Şəhanəni təxminən 10 dəqiqə suyun altında saxlayır.

O, Şəhanənin sudan çıxmadığını və müqavimət göstərmədiyini görüb öldüyünə əmin olur.

Anar istintaqa ifadəsində yoldaşının hamilə olduğundan xəbərsiz olduğunu desə də, onun yalan danışdığı aydın olur.

Anar arvadının hamilə olmasından əvvəldən məlumatlı idi, bunu sübut edən məqamları istintaq müəyyənləşdirir.

Artıq bunu bilən Anar ifadələrinin mətnində dəyişiklik edir. O sonrakı ifadələrində bildirir: "Arvadım mənə dedi ki, bətnimdəki oğlan uşağı səndən deyil. Mənim onu öldürməyimə səbəb bu ifadə idi".

Məhkəmə Anarın dediyi həmin dialoqun baş verib-verməməsini nə təkzib, nə də təsdiq edib.

Məhkəmənin hökmü ilə Anar Cinayət Məcəlləsinin 120.2.8-ci maddəsi ilə (təqsirkar şəxs üçün aşkar surətdə hamilə vəziyyətində olan qadını öldürmə) təqsirli bilinərək 16 il müddətinə azadlıqdan məhrum edilib.

///Oxu.Az


Sonxeber.az Telegramda izləyin instagramda izləyin
Kriminal   Baxılıb: 2453   Tarix: 14 oktyabr 2021  

Şikayətiniz varsa Whatsapp: 055 3906818

Facebookda Paylaş

Tezbazar.az elanlar sayti

Unvan.az - elanlar sayti

DİGƏR MARAQLI XƏBƏRLƏR

On səkkiz yaşlı gənc 34 yaşlı kişini öldürdü

Qəbələdə 18 yaşlı gənc 34 yaşlı kişini qətlə yetirib.. . "Qafqazinfo" xəbər verir ki, oktyabrın 9-u saat 21 radələrində Qəbələ rayonu, Tikanlı kənd sakini 1987-ci il təvəllüdlü Sənur Ağahüseynovun üzərində çoxsaylı bıçaq xəsarətləri olan meyitinin Tikanlı kəndinə yaxın ərazidə aşkar edilməs

12 oktyabr

Sumqayıtda DƏHŞƏT - 27 yaşlı gənc qətlə yetirildi

Sumqayıtda qətl törədilib.. . Sonxeber.az xəbər verir ki, gecə saatlarında şəhərin 5-ci mikrorayon ərazisində 2 nəfər arasında düşən mübahisə ölümlə nəticələnib. Sumqayıt şəhər 13-cü mikrorayon sakini 27 yaşlı Tural Abdulova mübahisə etdiyi şəxs tərəfindən bıçaq zərbəsi vurulub. Ürək nahiyəsinə nüfu

10 oktyabr

Ağsu sakinindən "patı" götürülüb - FOTO

Ağsu Rayon Polis Şöbəsinin əməkdaşları tərəfindən narkotik vasitələrin və psixotrop maddələrin qanunsuz dövriyyəsi ilə məşğul olan şəxslərin tutularaq məsuliyyətə cəlb edilmələri istiqamətində növbəti əməliyyat keçirilib.. . Bu barədə Daxili İşlər Nazirliyinin Mətbuat Xidmətinin Şəki regional qrupu məluma

10 oktyabr

Prokurorluqdan polisin ölümü ilə bağlı AÇIQLAMA

Baş Prokurorluq polis serjantının ölümü ilə bağlı məlumat yayıb.. . Baş Prokurorluğun Mətbuat xidmətindən Sonxeber.az-a bildirilib ki, oktyabrın 10-da saat 02 radələrində 1998-ci il təvəllüdlü Cəbrayıl Rayon Polis Şöbəsinin polis serjantı Toğrul Mədətlinin meyitinin Xocavənd rayonunun Binə Dərəsi kənd

10 oktyabr

Bakıda mühafizəçi çalışdığı şirkətdən 14 min manatlıq oğurluq etdi

"GM Construction" şirkətinə məxsus 14 000 manat dəyərində 665 ədəd dəmir dirəyi oğurlamaqda şübhəli bilinən şəxs saxlanılıb.. . Sonxeber.az xəbər verir ki, bu barədə Daxili İşlər Nazirliyi (DİN) məlumat yayıb.. . Bildirilib ki, Nərimanov Rayon Polis İdarəsinin 17-ci Polis Şöbəsi əməkdaşlarını

9 oktyabr

Sumqayıtda idmançını qətlə yetirən ata və oğula AĞIR CƏZA

Sumqayıt sakininin qətlində təqsirləndirilən Əhəd İsmayılov və onun oğlu Ramil İsmayılovun cinayət işi üzrə məhkəmə prosesi başa çatıb.. . APA-nın xəbərinə görə, Bakı Ağır Cinayətlər Məhkəməsində hakim Əli Məmmədovun sədrliyi ilə keçirilən prosesdə hökm oxunub.. . Hökmə əsasən, R.İsmayılov 10 il 6 ay

9 oktyabr

Yüksək vəzifəli şəxsin qətlinin TƏFƏRRÜATI

Dünən polis rəisinin müavini olmuş polkovnik-leytenant Mirtağı Bağırovun oğlu Mirhadi Bağırovun Goranboy Dövlət Aqrar İnkişaf Mərkəzinin (DAİM) direktoru Ziyad Əhmədovu iş otağında bıçaqlayaraq qətlə yetirməsinin bəzi detalları məlum olub.. . "Qaynarinfo"ya daxil olan məlumata görə, bir i

9 oktyabr

Azərbaycanda məmuru iş otağında öldürən şəxs görün kim imiş

Goranboyda Dövlət Aqrar İnkişaf Mərkəzində qətl törədən şəxsin kimliyi bilinib.. . APA-nın xəbərinə görə, Goranboy ​​​​​​​Dövlət Aqrar İnkişaf Mərkəzinin direktorunu iş otağında qətlə yetirən şəxsin Bağırov Mirhadi Mirtağı oğlu olduğu bildirilir. 29 yaşlı Mirhadi Bağırov Goranboy Dövlət Aqrar İnkişa

8 oktyabr

Azərbaycanda qətl törədən gəlin saxlanıldı - YENİLƏNİB

Prokurorluq Astarada baş verən qətl hadisəsi ilə bağlı məlumat yayıb.. . Astara rayon prokurorluğundan Unikal.org-a bildirilib ki, oktyabrın 8-si saat 12 radələrində Astara rayonu, Şəmətük kəndi ərazisində 1961-ci il təvəllüdlü Mehparə Ağayevanın öldürülməsi barədə rayon prokurorluğuna məluma

8 oktyabr