"COVID"ə qarşı ən güclü immunitet bu insanlardadır

Koronavirusa qarşı ən güclü immunitet bu xəstəliyə yoluxub sağalandan sonra infeksiyaya qarşı peyvənd olunmuş insanlardadır.

Sonxeber.az xarici KİV-ə istinadən xəbər verir ki, bu barədə həkim-infeksionist Yevgeni Timakov bildirib.

Mütəxəssis qeyd edib ki, onların aktiv neytrallaşdırıcı anticismlərinin miqdarı kifayət qədər yüksəkdir və təkrarlanan xəstəliklərdən qorunmaq üçün yetərincə immunitetləri var.

Timakov əlavə edib ki, bu fakt elmi tədqiqatlarla təsdiqlənir. Onun sözlərinə görə, təbii immunitet və peyvəndin birləşməsi orqanizmi daha effektiv qoruyur. Bu prosesi revaksinasiya ilə müqayisə etmək olar.

Yevgeni Timakov peyvənd olunmayan insanlara koronavirusa görə ekspress testdən keçməyi tövsiyə edib. Həkimin sözlərinə görə, bu, ciddi fəsadların qarşısını almağa kömək edəcək.

ZAİRA AKİFQIZI

Telegramda izləyin