"Sinovac" yerinə başqa peyvənd vurdular, qadının isə...

Klinikaya vaksin olunmaq üçün gedən Semiha Işık adlı vətəndaş tibb bacısının səhvinə görə ölümlə üz-üzə qalıb.

Sonxeber.az-ın "Ahaber"ə istinadən məlumatına görə, Semiha Işık dünən "Sinovac" peyvəndi vurdurmaq üçün sağlamlıq mərkəzinə üz tutub və vaksin olunaraq oradan ayrılıb.

"Sinovac" peyvəndi almaq üçün Konyadakı sağlamlıq mərkəzinə gələn Semiha İşığa həddindən artıq dozada "Biontech" peyvəndi vurduğu iddia olunan tibb bacısı haqqında Səhiyyə İdarəsi tərəfindən araşdırma başlanılıb.

Axşam peyvəndlər sayılarkən tibb bacısının bu səhvi təsdiqlənib.

Semiha Işık dərhal nəzarət məqsədilə Konya Nümunə Xəstəxanasına çağırılıb. Müayinə zamanı onun səhhətinin yaxşı olduğu bildirilib və qadın evə buraxılıb.

Aysel Səfərzadə

Telegramda izləyin