"Ruhunuz şad olsun, Dahi Lider! Oğlunuzun başçılığıyla XALQIMIZ tarix yazdı!"

Xəbər verdiyimiz kimi, bu gün Ulu Öndər Heydər Əliyevin vəfatından 18 il ötür.

Bununla bağlı Sonxeber.az saytına Azərbaycan-Braziliya Ciu-Citsu Federasiyanın və Qarapapaq Döyüş Klubunun Prezidenti Aqil Acalov öz fikrini bildirib:

"Ruhunuz şad olsun, Dahi Lider! Oğlunuzun başçılığıyla xalqımız tarix yazdı! Müasir Azərbaycanın yeni - Zəfər tarixini.

"Mən fəxr edirəm ki, mən azərbaycanlıyam!"

Ulu Öndərin sitatları, kəlamları arasında ən sevdiyim fikirlərdən biridir bu qısa, amma qətiyyətli mövqeli, dəyərli ifadə. Bütün bunlar onun bizə Vətənə bağlılıq aşılamaq, dövlətçiliyimizə sahib çıxmağımız üçün miras qoyduğu fikirlərdir.

Ümummilli liderin əsasını qoyduğu müasir müstəqil Azərbaycan onun bizə ən böyük əmanəti, qoyub getdiyi ən böyük sərvətidir. Onun miras qoyduğu milli-mənəvi dəyərlərə sahib çıxmaq, qorumaq və daim yaşatmaq bizim - hər bir azərbaycanlının - ən ümdə vəzifələrindən biri, eyni zamanda vətəndaş borcudur.

12 dekabr Ümummilli lider Heydər Əliyevin haqq dünyasına qovuşduğu gündür.

Nə xoş bizə ki Ulu Öndərin əziz xatirəsini Zəfər sevincinə qarışdırıb ucaltmaq da nəsib oldu. Nə xoş bizə ki onun miras qoyduğu müasir müstəqil Azərbaycan zamanla öz gücünü daha da artırıb bütünləşdi və tarixi torpaqlarını işğaldan azad etməyə nail oldu".

ZAİRA AKİFQIZI

Telegramda izləyin