Alimlər: Pandemiya bu il başa çatacaq

Rusiyanın tanınmış virusologiya professoru, Qamaleya adına Milli Epidemiologiya və Mikrobiologiya Tədqiqatları Mərkəzinin baş elmi işçisi Anatoli Altşteyn COVID-19 pandemiyasının bu il bitəcəyini açıqlayıb.

Bu barədə "Report" "Ura.ru"ya istinadən xəbər verir.

"2022-ci ildə pandemiyaya son qoya bilərik, çünki vaksinlər var, peyvəndləri təkmilləşdirmək imkanı, habelə onu istehsal etmək imkanı var. Mən təkcə Rusiyadan deyil, ümumilikdə dünyadan danışıram", - o, "Ura.ru"ya müsahibəsində deyib.

Mütəxəssisin sözlərinə görə, normal həyata qayıtmaq üçün profilaktik tədbirlərə riayət etmək və peyvənd olunmaq lazımdır, əks halda pandemiya 2023-cü ildə də davam edəcək.

Rusiya Elmlər Akademiyasının müxbir üzvü, V.A. Engelhardt adına Molekulyar Biologiya İnstitutunun hüceyrələrin çoxalması laboratoriyasının rəhbəri Pyotr Çumakov öz növbəsində hesab edir ki, pandemiyanın insan həyatına təsiri getdikcə azalacaq.

"Düşünürəm ki, çox sürətlə yayılan və ciddi təzahürlərə səbəb olmayan "omikron" ştamının yaranması ilə əlaqədar hər şey səngiyəcək", - o deyib.

Çumakovun sözlərinə görə, yeni ştam digərlərini sıxışdıracaq.

Telegramda izləyin

instagramda izləyin