Bu ölkədə artıq 4-cü doza vaksin vurulur

Polşada koronavirusa qarşı 4-cü doza peyvənd prosesinə başlanılıb. Peyvəndin 4-cü dozası üçün 3-cü dozadan sonra 5 ay keçməlidir.

Sonxeber.az xarici mətbuata istinadən xəbər verir ki, müvafiq olaraq, 4-cü doza xərçəng müalicəsi nəticəsində immun çatışmazlığı olan insanlara, orqan transplantasiyasından sonra ilkin immun çatışmazlığı olanlara, HİV və xroniki dializ xəstələrinə vurulacaq.

Vətəndaşlarını yalnız Avropa Dərman Agentliyi "EMA" tərəfindən təsdiqlənmiş "Pfizer/BionTech", "Moderna", "Johnson&Johnson" və "AstraZeneca" ilə peyvənd edən Polşa, 3-cü və 4-cü doza peyvənd prosesində yalnız "Pfizer/BionTech" və "Moderna" peyvəndlərindən istifadə edir.

21 872 680 nəfərin tam peyvənd olunduğu 38 milyonluq ölkədə epidemiyanın başlanğıcından bu yana qeydə alınan yoluxma sayının 5 188 184, həyatını itirənlərin sayının isə 106 607 olduğu açıqlanıb.

Aygün Osmanlı

Telegramda izləyin