Ölkəmizdə yoluxma sayı artacaq? - AÇIQLAMA

Dünyada bir çox ölkələrdə yoluxma sayı azaldığı üçün karantin qaydaları yumşaldılıb, maska tələbi ləğv edilib.

Azərbaycanda pandemiya ilə bağlı bir çox qadağalar aradan qaldırılsa da, maska və "COVID" pasportu ilə bağlı tələblər qüvvədədir.

Məsələ ilə bağlı infeksionist Mərdan Əliyev "Sonxeber.az"ın suallarını cavablandırılıb.

O, hazırda ölkədə yoluxma faktının aşağı dərəcədə olduğunu vurğulayaraq, bunun növbəti aylarda artacağının gözlənilmədiyini deyib:

"Çünki əhali arasında immunitent formalaşıb. Yaz və yay ayları olduğunu nəzərə alsaq, deyə bilərik ki, yoluxmanın artacağı gözlənilmir.

Payız aylarına yaxın isə hava şəraitinin dəyişməsi nəticəsində yoluxma nisbətən arta bilər, amma bu, çox ciddi problem yaratmayacaq. Çünki biz virusla bir dəfə təmasda olmuşuq və beyin virusu "tanıyacaq". Bu xəstəliyi qrip və digər xəstəliklər kimi, yüngül keçirə bilərik.

Şəkər xəstəliyi olan şəxslər, yaşı 65 və daha çox olan yaşlı insanlar payız aylarında xüsusilə özlərini qorumalıdırlar.

Hazırda və yay aylarında isə yeni bir virusun yaranması gözlənilmir."

Qeyd edək ki, Azərbaycanda indiyədək ümumilikdə 792 103 nəfər koronavirus infeksiyasına yoluxub. Onlardan 782 084 nəfər müalicə olunaraq sağalıb, 9 700 nəfər vəfat edib, aktiv xəstə sayı 319 nəfərdir.

Aysel Quliyeva

Telegramda izləyin