Hərbi Prokurorluqdan DSX-nin kursantının vəfat etməsi ilə bağlı AÇIQLAMA - YENİLƏNİB

Azərbaycan Respublikasının Hərbi Prokurorluğu Dövlət Sərhəd Xidmətinin Akademiyasının kursantının vəfat etməsi ilə bağlı açıqlama verib.

Hərbi Prokurorluqdan Oxu.Az-ın sorğusuna cavab olaraq bildirilib ki, bununla bağlı araşdırma aparılır:

"Daxil olmuş məlum məlumat əsasında Bakı hərbi prokurorluğunun əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb, izahatlar alınıb və digər zəruri hərəkətlər icra edilib".

"Fakt üzrə Bakı hərbi prokurorluğunda başlanılan araşdırma davam etdirilir və qanunvericiliyin tələblərinə uyğun olaraq bütün tədbirlərin görülməsi təmin ediləcəkdir", - açıqlamada qeyd edilib.

17:50
Dövlət Sərhəd Xidmətinin (DSX) Akademiyasının 4-cü kursunda təhsil alan, 2001-ci il təvəllüdlü kursant Nağıyev Murad Müslüm oğlu aprel ayının 13-də müalicə aldığı tibb müəssisəsində onkoloji xəstəlikdən vəfat edib.

Bu barədə Sonxeber.az-a DSX-nin Mətbuat Mərkəzindən məlumat verilib.

Bildirilib ki, həkimlər tərəfindən zəruri müalicə tədbirlərinin görülməsinə baxmayaraq hərbi qulluqçunun həyatını xilas etmək mümkün olmayıb.

Allah rəhmət eləsin!

Telegramda izləyin