ABŞ bu ölkəyə 800 milyon dollarlıq yardım edəcək

ABŞ prezidenti Co Bayden Ukraynaya 800 milyon dollar həcmində yeni silah və müdafiə yardımı göstərmək niyyətində olduğunu bildirib.

Sonxeber.az xarici mətbuata istinadən xəbər verir ki, Bayden yazılı bəyanatında Ukrayna prezidenti Vladimir Zelenski ilə telefonla danışdığını deyib:

"Mən Zelenskiyə məlumat verdim ki, Biz Ukraynaya silah, döyüş sursatı və digər müdafiə yardımlarını edəcəyik".

Onun sözlərinə görə, Ukrayna ABŞ-ın təchiz etdiyi silahdan çox səmərəli istifadə edir:

"Rusiya Donbasda öz hücumlarını gücləndirməyə hazırlaşır. Biz Ukraynaya yardım göstərməkdə davam edəcəyik və bu ölkənin müdafiəsini dəstəkləyəcəyik".

ABŞ Müdafiə Nazirliyinin nümayəndəsi Con Kirbi də Ukraynaya göndərilən silahlar arasında Mi - 17 helikopterlərinin, artilleriya sisteminin, həmçinin artilleriya atəşinə tutulmasına qarşı radarın, hava müşahidəsi radarının, taktiki pilotsuz təyyarələrin, raketlərin və zirehli nəqliyyat vasitələrinin olduğunu bildirib.

Aysel QULİYEVA

Telegramda izləyin