"Hraparak": Paşinyan 2018-ci ildə Baş nazir vəzifəsində əbədi qalacağını deyib

2018-ci ildə Paşinyan hakimiyyətə yeni gələndə, bütün keçmiş hakimiyyət nümayəndələrini, xüsusilə də nə vaxtsa onu "incitmiş" şəxsləri cəzalandırmaq qərarına gələndə onun ilk tapşırıqlarından biri "1 Mart" işini yenidən açmaq və Ermənistanın sabiq prezidentləri Köçəryanla Sarkisyanın günahkar olduğunu sübut etməklə mühakimə etmək olub.
Bu barədə Ermənistanın "Hraparak" nəşri yazıb.

İstintaq bərpa edilib, lakin bir müddət sonra ibtidai istintaq orqanının rəhbəri Paşinyana məruzə edib ki, Köçəryan və Sarkisyanın günahını sübut edən sübutlar əldə etmək demək olar mümkün deyil və iş araşdırılaraq məhkəməyə verilsə, məhkəmədə uğursuzluq olacaq.

"Yəni nəticədə belə alınacaq ki, "Köçəryanı təmizləyəcəyik" və onu müxalifətin lideri etməklə "qəhrəmanlaşdıracağıq". Paşinyan cavab verib ki, araşdırın, məhkəməyə aparın, Köçəryanı müxalifətin lideri etməklə "təmizlədiyimiz və qəhrəmanlaşdırdığımız" alınsa, bu mənə ən yaxşı hədiyyə olar, əgər müxalifətin lideri Köçəryan olsa, mənim Baş nazir vəzifəsində əbədi qalacağımı bilin", - deyə nəşr qeyd edib.

Telegramda izləyin