Niinsto qərarının səbəbini Putinə açıq deyib: "Sizin Ukraynaya hücumunuz..."
"Finlandiyanın ənənəvi hərbi neytrallıq siyasətindən imtina etməsi səhv olardı, çünki onun təhlükəsizliyinə heç bir təhdid yoxdur".
Kremlin mətbuat xidmətinin şənbə günü verdiyi məlumata görə, bunu Rusiya prezidenti Vladimir Putin Finlandiya prezidenti Sauli Niinisto ilə telefon danışığında bildirib.
"Finlandiya rəhbərliyinin NATO-ya üzv olmaq üçün müraciət etmək niyyətini elan etməsi ilə bağlı səmimi fikir mübadiləsi aparılıb",- deyə məlumatda bildirilir.
"Vladimir Putin vurğulayıb ki, ənənəvi hərbi neytrallıq siyasətindən imtina etmək səhv olardı, çünki Finlandiyanın təhlükəsizliyinə heç bir təhdid yoxdur. Ölkənin xarici siyasətində bu cür dəyişiklik xeyirxahlıq ruhunda qurulan Rusiya-Finlandiya münasibətlərinə mənfi təsir göstərə bilər. Qonşuluq və tərəfdaşlıq əməkdaşlığı uzun illərdir ki, qarşılıqlı faydalı olub",- deyə mətbuat xidməti vurğulayıb.
Rusiya Federasiyası və Finlandiya prezidentləri Ukraynadakı vəziyyəti də müzakirə ediblər. Rusiya lideri Finlandiya liderinin diqqətinə çatdırıb ki, Moskva ilə Kiyev arasında danışıqlar əslində Ukrayna tərəfinin konstruktiv dialoqa maraq göstərməməsi səbəbindən dayandırılıb.
"Liderlər Ukraynadakı vəziyyəti də müzakirə ediblər. Xüsusilə Vladimir Putin ciddi və konstruktiv dialoqa maraq göstərməyən Kiyev tərəfindən faktiki olaraq dayandırılmış Rusiya və Ukrayna nümayəndələri arasında danışıqlar prosesinin vəziyyəti ilə bağlı öz qiymətləndirməsini bölüşüb",- deyə açıqlamada bildirilir.
Söhbət Finlandiya tərəfinin təşəbbüsü ilə baş tutub. Aprelin əvvəlində Finlandiyanın NATO-ya daxil olması ilə bağlı müzakirələr intensivləşib. Alyansın əsas üzvləri bu fikri dəstəklədilər. Finlandiya parlamentinin üzvlərinin əksəriyyəti üzvlüyün lehinə münasibət bildiriblər.
Finlandiya tərəfinin yaydığı məlumatda isə bildirilir ki, Niinsto NATO üzvlüyü barədə qərarın qəti olduğunu bildirib. Həmçinin bunun səbəbi kimi, yaranmış yeni şəraiti və Rusiyanın Ukraynaya hücumunu göstərib. Niinsto bildirib ki, əsas məsələ münaqişədən qaçmaqdır. Finlandiya hökumətinin açıqlamasına görə Helsinki NATO üzvlüyü fikrindən əl çəkməyəcək, bu barədə qərar artıq verilib.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş