İki əlini də kəsib yenilərini tikdilər - FOTO-VİDEO +18

Böyük Britaniyada sklerodermiyandan əziyyət çəkən 48 yaşlı Stiven Qallaherə hər iki əli transplantasiya olunub.

BiG.AZ xəbər verir ki, bu barədə "Metro" yazır.

Belə ki, 13 il öncə autoimmun xəstəlik diaqnozu qoyulan Stivendə hüceyrələrin həddən artıq kollagen istehsal etməsi səbəbindən normal dəri qalın dəri ilə əvəzlənir.

Bu xəstəlik onun burun, ağız və əllərini zədələyib, 7 il öncə isə onun barmaqları yumruq halında qatlanmağa başlayıb. Bu, onda güclü ağrı və diskomfort yaradıb.

Xəstəlik getdikcə Qallaheri başqalarından asılı vəziyyətə salıb. Artıq əşyaları güclə qaldıran Stiven hətta əynini geyinməkdə çətinlik çəkib. Bu səbəbdən o, işdən çıxaraq evdə oturmağa başlayıb.

Başqa çarə görməyən həkim xəstəyə iki əlini də donordan transplantasiya etməyi təklif edib. Psixoloji test və analizlərdən sonra donor tapılan kimi həmin əməliyyat uğurla həyata keçirilib.

Qallaher hələ də reabilitasiya dövründədir, lakin vəziyyəti tədricən yaxşılaşır. O. artıq daha müstəqil həyat tərzi sürür və zamanla öz iş yerinə qayıtmağı planlaşdırır.

Telegramda izləyin