Müharibə zamanı doğulan körpələr 3 ay sonra - VİDEO

Müharibə zamanı dünyaya gələn körpələr artıq qaçmağa məcbur olduqları vətənlərinə geri qayıdır.

Sonxeber.az-ın məlumatına görə, Rusiya və Ukrayna arasında gedən müharibənin qızğın vaxtlarında dünyaya gələn körpələr artıq ömürlərinin 3-cü ayını tamamlayıblar. Bu uşaqlardan biri də Fedrdir. O, 25 fevralda, yəni işğalın ikinci günü xəstəxananın zirzəmisində doğulub.

İndi isə həmin körpə ilə bərabər müharibənin ilkin mərhələsində Ukraynadan qaçanların çoxu geri qayıdır.

BBC-nin müxbiri Ceyms Votehaus isə onunla və anası Viktoriya ilə görüşüb. Viktoriya həmin günlərin çətinliyindən, məyusluğundan danışıb.

O bildirib ki, oğlunun həyatının təlatümlü başlamasına baxmayaraq, ona aşılamaq istədiyi dəyərlərdən əmindir:

"Mən ona deyəcəyəm ki, öz ölkəsinin insanlarına qiymət versin, onlara minnətdar olsun və özündə xüsusi Ukrayna ruhunu saxlamağa çalışsın".

Aysel SƏFƏRZADƏ

Telegramda izləyin