Bu qız TƏMİZLİK ŞAHZADƏSİDİR - Çirkli evləri PULSUZ təmizləyir - FOTO-VİDEO

Sosial şəbəkələrdə Auri Katarina kimi tanınan 29 yaşlı Finlandiya sakini Auri Kananen özünü dünyanın ən yaxşı təmizləyicisi, "Təmizlik şahzadəsi" adlandırır. Onun paylaşımlarını görənlər 14 yaşından təmizlik aşiqi olan Katarinanı bu titullara həqiqətən də layiq olduğunu anlayırlar.

BİG.AZ xəbər verir ki, çirkli evləri təmizləməkdən zövq alan Auri bunu tamamilə PULSUZ edir.

O, uşaqlarını tək böyüdən analara, tənha yaşayan yaşlı təqaüdçülərə, əlillərə, ağır depressiya keçirən insanlara yardım edir. Bir sözlə, fiziki və ya mənəvi problemlər səbəbindən evlərinə "əl gəzdirə" bilməyənlər bu "təmizlik mələyi"nə müraciət edirlər. O, həftədə bir evi dərindən təmizləyir.

4 il təmizlik üzrə təlim keçən Katarina videolarında faydalı məsləhətlər verir.

Məsələn, yanmış yağ ləkələrində "batan" qaz plitəsinin üzərinə yağçözücü dərman töküb, üstündən bir neçə saatlıq qida plyonkası çəkdikdə, daha rahat təmizlənir.

Gördüyü evlər barədə bir dəfə də "bu nə donuzxanadır", "fuu, iyrənc" tipli sözlər işlətməyən qızın ən uzun təmizlik işi 18 saat çəkib. Bunu pulsuz etdiyini desə də, bloqerin videoları milyondan çox izlənilir və hərəsi, çox güman ki, ona 1-2 min dollar qazandırır.

Katarinanın ən böyük arzusu bütün dünyanı gəzib təmizləməkdir.

Bir neçə gün öncə Auri "The Newcomer of the Year Award" mükafatına layiq görülüb.

Onun paylaşımlarına baxmaq insana mənəvi zövq verir və təmizkar olmağa daha da həvəsləndirir.

Sizə onun "YouTube" və "İnstagram" səhifəsindən bir neçə videosunu təqdim edirik.

Telegramda izləyin