Nəhəng asteroid planetimizə YAXINLAŞIR

2052-ci ildə nəhəng asteroid Yer kürəsinə yaxınlaşacaq.

Sonxeber.az BiG.AZ-a istinadən xəbər verir ki, bu barədə Avropa Kosmik Agentliyi (ECA) bildirib.

Agentliyin məlumatına əsasən, 2 aprel 2052-ci il tarixində "2021 QM1" səma cismi planetimizə təhlükəli dərəcədə yaxınlaşsa da, heç bir xəsarət yetirməyəcək.

Astronomlar çətinliklə görünən asteroidi aşkar etmək üçün dünyanın ən həssas teleskopundan istifadə etdikdən sonra bu nəticəyə gəliblər.

Qeyd edək ki, sözügedən asteroid bir neçə ay müddətində çox təhlükəli hesab olunub. Onun Yer kürəsi ilə toqquşma ehtimalı verilib, lakin hazırda Avropa Kosmik Agentliyi (ECA) "2021 QM1"ni təhlükəlilər siyahısından sildiyini bildirir. Yəni bu asteroid planetimizlə toqquşmadan bizdən yan keçəcək.

Telegramda izləyin