Pişiyə işgəncə verən şəxs məsuliyyətə cəlb edildi - YENİLƏNİB + VİDEO

Pişiklə rəhimsiz davranan şəxslə bağlı sosial şəbəkələrdə yayılan görüntülər polis tərəfindən araşdırılıb.

DİN Mətbuat Xidmətinin əməkdaşı Nurlan Əliyev Oxu.Az-a bildirib ki, görüntülərdə əks olunan şəxs Səbail RPİ 9-cu polis bölməsinin əməkdaşları tərəfindən müəyyən olunaraq barəsində qanunvericiliyə uyğun tədbir görülüb.

Qeyd edək ki, İnzibati Xətalar Məcəlləsinin 274-cü (Heyvanlarla rəhmsiz rəftar edilməsi) maddəsinə görə heyvanlarla rəhmsiz davranmaqla onların şikəst və ya tələf edilməsinə görə beş yüz manat məbləğində cərimə edilir.

11:09
Ötən gün sosial şəbəkələrdə pişiyə işgəncə verən şəxsin görüntüləri yayılıb. Şəxs pişiyi maşının arasında sıxaraq, təpikləyib.

Sonxeber.az xəbər verir ki, məsələ ilə bağlı Daxili İşlər Nazirliyi oxu.az-ın sorğusunu cavablandırıb.

Daxili İşlər Nazirliyinin mətbuat xidmətinin əməkdaşı Nurlan Əliyev məlum videodan xəbərdar olduqlarını deyib:

"Sosial şəbəkələrdə yayılan görüntülərdən məlumatlıyıq. Araşdırma aparılır".

Telegramda izləyin