"Aytacı kənddə basdırmağa qoymayın" - Dəhşətli qətlin TƏFƏRRÜATI

"Aytacı kənddə basdırmağa qoymayın" - Dəhşətli qətlin TƏFƏRRÜATIBu ilin fevralında Şəmkirin İrmaşlı kəndində 1998-ci il təvəllüdlü əmisi qızı Aytac Famil qızı Piriyevanı qətlə yetirən Piri Piriyevin məhkəmə prosesi başa çatıb.

"Qafqazinfo"nun məlumatına görə, Gəncə Ağır Cinayətlər Məhkəməsinin hökmünə əsasən, 1998-ci il təvəllüdlü Piri Piriyev 18 il 6 ay müddətinə azadlıqdan məhrum edilib.

Hadisənin hansı səbəbdən baş verməsinə gəlincə, bu, Aytacın vatsap statusu üstündə olub.

Təqsirləndirilən şəxsin sözlərinə görə, o, qardaşı arvadının telefonu ilə vatsap statuslarına baxan zaman Aytacın tanımadığı oğlanla qucaqlaşmış halda fotosunu görüb. Piri bundan sonra, Aytacgilin evinə gedərək oğlanın kimliyi ilə maraqlanıb. Aytac isə oğlanın sinif yoldaşı olduğunu, Türkiyəyə gedəcəyi üçün onunla səmimi şəkildə foto çəkdirdiyini bildirib.

Bundan əsəbiləşən Piri Aytacı şillə ilə vurub. Piri daha sonra Şəmkir şəhərinə gedərək həmin fotodakı oğlanı axtarmağa başlasa da, tapa bilməyib.

O, bütün bunlardan sonra Aytacın hərəkətlərinə son qoymaq məqsədilə onu öldürmək qərarına gəlib. Piri bu məqsədlə əvvəlcədən bazardan aldığı bıçağı maşına qoyub, qərara gəlib ki, Aytacın əl-qolunu bağlayaraq onu qətlə yetirsin. Aytacın maşından düşüb qaçmaması üçün də əvvəlcədən avtomobilin sağ qapısının cəftəsini və şüşə qaldıranını sındırıb.

Planın davamı olaraq Piri, Aytacgilin evinə gələrək onunla sakit bir yerdə söhbət etmək istədiyini bildirib. Bu zaman Aytac azyaşlı oğlunu evdə qoyaraq maşının ön oturacağına əyləşib. Bundan sonra, Piri planına uyğun olaraq, Aytacı İrmaşlı kəndində yerləşən "Sulu dərə" adlanan əraziyə tərəf aparıb.

Yolboyu Piri yenidən Aytacdan həmin oğlanın kimliyini soruşub. Aytac yenə eyni cavabı verərək həmin şəxsin sinif yoldaşı olduğunu bildirib, eyni zamanda qeyd edib ki, onun şəxsi işlərinə qarışmağa ixtiyarı yoxdur.

Bu zaman Piri maşından düşərək avtomobildə saxladığı kəndiri götürüb və qabaq qapını açaraq Aytacdan əllərini irəli uzatmasını istəyib. Aytac isə onun sözlərini ciddiyə almayıb və zarafat etdiyini düşünərək Pirinin dediklərinə heç bir etiraz etmədən əməl edib.

Bundan sonra Piri Aytacın müqaviməti qıraraq onu yerə yıxıb və boğazını kəsib. Bu zaman Piri Aytacın yalvarışlarına heç bir məhəl qoymayıb. O, əmisi qızını öldürdükdən sonra maşınla İrmaşlı kənd istiqamətində hərəkət edib. Kənddə həmkəndlisi ilə görüşüb onun maşına əyləşən zaman törətdiyi əməldən bəhs edib və onu polis bölməsinə aparmağı xahiş edib.

Bölməyə getməzdən əvvəl o, həmkəndlisindən kəndin mərkəzində avtomobilini saxlamasını da xahiş edib. Bu zaman Piri avtomobildən düşüb üzünü çayxanada olan kişilərə tutaraq, – "Mən öz pozğunumu təmizlədim, siz də gedin öz pozğununuzu təmizləyin, Aytacın meyitini kənddə basdırmağa qoymayın, əgər basdırsanız, yas verməyin", – məzmunlu sözlər deyib.

Daha sonra həmkəndlisi avtomobildən düşərək onu avtomobilə əyləşdirib Zəyəm polis bölməsinə aparıb.

Qeyd edək ki, Aytac Piriyeva 2017-ci ildə ailə həyatı qurub, onun bu evlilikdən bir övladı dünyaya gəlib. Aytacın həyat yoldaşı tez-tez işləmək üçün Ukraynaya gedib-gəlib. Onun həyat yoldaşı ilə sonradan münasibəti pozulduğu üçün bir il öncə vəfat edən atasının evinə qayıdıbmış.


Sonxeber.az
Telegramda izləyin
Kriminal   Baxılıb: 5010   Tarix: 20 dekabr 2022  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycanda ailə qətliamı: Nə baş verib? - TƏFƏRRÜAT

Azərbaycanda həyat yoldaşını və qayınatasını qətlə yetirən kişi sonda özünü də öldürüb. "Xəzər TV"yə istinadən xəbər verir ki, dəhşətli hadisə Sabirabad rayonunun Əsgərbəyli kəndində baş verib. Saatlı rayonunun Bəylik kənd sakini, 1963-cü il təvəllüdlü Nizami Məhərrəmov ov tüfəngi ilə həya

22 avqust 2021
.

Azərbaycanda DƏHŞƏT - Arvad ərini öldürüb, kolluqda gizlətdi

Neftçala rayonunda 9 il əvvəl törədilərək bağlı qalmış cinayətin açılması təmin edilmişdir. Baş Prokurorluqdan -a verilən məlumata görə, 09.02.2013-cü il tarixdə Neftçala rayon sakini Mənəfov Mayis Nazim oğlunun Neftçala şəhəri, M.Ə.Sabir küçəsində yerləşən qəbirstanlığın yanındakı kolluq ərazidə çürümü

10 sentyabr 2021
.

Azərbaycanda yeniyetmə 53 yaşlı kişini öldürdü - YENİLƏNİB

Sentyabrın 10-u saat 06:00 radələrində 1968-ci il təvəllüdlü Əli Əliyevin bıçaqlanaraq xəsarət alması nəticəsində ağır vəziyyətdə Göyçay Rayon Mərkəzi Xəstəxanasına daxil olması və orada ölməsi barədə rayon prokurorluğuna məlumat daxil olub. Göyçay Rayon Prokurorluğunda aparılan araşdırmalarla zərərçəkmişi

10 sentyabr 2021
.

Azərbaycanda qadın qonşusunu bıçaqla öldürdü

Prokurorluq Gəncə şəhərində qadının qətli ilə bağlı məlumat yayıb. Şəhər Prokurorluğundan -a daxil olan məlumatda deyilir:. "Avqustun 31-i saat 17 radələrində Gəncə şəhər sakini, 1963-cü il təvəllüdlü Sücayət Məmmədovanın öldürülməsi barədə şəhər prokurorluğuna məlumat daxil olmuşdur. Aparılmı

1 sentyabr 2021
.

DİN ötən gün törədilən cinayətlərlə bağlı MƏLUMAT YAYDI

Daxili İşlər Nazirliyi (DİN) sentyabrın 10-da qeydə alınmış cinayət və hadisələr haqqında statistik məlumatları açıqlayıb. DİN-in mətbuat xidmətindən -a bildiriblər ki, respublikanın daxili işlər orqanları ötən gün ərzində törədilmiş 49 cinayətin üstünü "isti izlər"lə açıblar. Əvvəlki dövrlərdə

11 sentyabr 2021
.

Narkotik yetişdirən Hacıqabul sakinləri SAXLANILDI

Hacıqabul Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi, eləcə də narkotik tərkibli bitkilərin kultivasiyası ilə məşğul olan şəxslər müəyyən edilərək məsuliyyətə cəlb olunublar. DİN-in Mətbuat Xidmətinin Şirvan regional qrupundan -a verilən məlumata görə, daxi

12 sentyabr 2021
.

"Anasına danışanda oğluna şər atdığımı dedi" - 10 il həbs verilən 26 yaşlı Nərmin

Ötən il Bərdədə həmcinsini güllələməkdə ittiham olunan 26 yaşlı Nərmin Mehrəliyeva 10 il müddətinə azadlıqdan məhrum edilib. Qətldə özünü təqsirli bilməyən N.Mehrəliyeva şəxsi istəyi olmadan cinsi əlaqəyə məcbur edildiyini bildirib. O, məhz həmin şəxsin anası Sevda Hacıyevanı ov tüfəngi ilə qətlə yetirməkd

2 sentyabr 2021
.

Gəncədə qadın qətlinin detalları: Hadisə yun çırpmaq üstündə olub - YENİLƏNİB

Ötən gün Gəncə şəhərində baş verən qətllə bağlı bəzi detallar məlum olub. Hüquq-mühafizə orqanlarından -a bildirilib ki, iki qonşu arasında baş verən mübahisə yun təmizləmək üstündə olub. Belə ki, Gəncə şəhər sakini, 1963-cü il təvəllüdlü Sücayət Məmmədova yaşadığı binanın qarşısında yun çırpırmış. B

1 sentyabr 2021
.

Qaxda baş verən yanğın məhdudlaşdırılıb

Qax rayonunun Güllük kəndi ərazisində hündür dağ zirvəsində dünən axşam saatlarından başlayan yanğın məhdudlaşdırılıb. "Report"un Şimal-qərb bürosunun məlumatına görə, əraziyə Qax Dövlət Yanğından Mühafizə Hissəsinin 2 yanğınsöndürən texnikası, 40 nəfər şəxsi heyəti, o cümlədən meşə təsərrüfat

25 avqust 2021