Cənubi Afrikada tankerin partlaması nəticəsində 27 nəfər ölüb

Cənubi Afrikanın Yohannesburq şəhərində yanacaq daşıyan tankerin partlaması nəticəsində 27 nəfər ölüb.

Sonxeber.az xəbər verir ki, Cənubi Afrika Respublikası Səhiyyə Nazirliyindən verilən açıqlamada körpünün altında qalan tankerin partlaması nəticəsində ölənlərin sayının 27-yə çatdığı, 12 nəfərin yaralandığı bildirilib.

Bildirilib ki, xəstəxanada müalicə olunanlar arasında bədənlərində ağır yanıq xəsarətləri olan yaralılar var, ona görə də ölənlərin sayı arta bilər.

Saxlanılan tanker sürücüsü sübut olmadığı üçün sərbəst buraxılıb.

Cənubi Afrika prezidenti Siril Ramafosa verdiyi açıqlamada partlayışın araşdırıldığını və partlayışdan zərər çəkən vətəndaşlara lazımi köməklik göstəriləcəyini bildirib.

Şəbnəm Lətifi

Telegramda izləyin