İki maştağalının qanlı davası: "Hamıya deyərik, məni at vurub, qorxma..." - Təfərrüat

İki maştağalının qanlı davası: "Hamıya deyərik, məni at vurub, qorxma..." - TəfərrüatBakının Sabunçu rayonunda 1984-cü il təvəllüdlü Adəm Quliyev 1975-ci il təvəllüdlü Natiq Nəcəfovu öldürüb.

Hadisə bu il aprelin 2-də rayonun Maştağa qəsəbəsində baş verib.

Qəsəbə sakini Natiq Nəcəfovun xəsarət alması və həmin gün saat 15 radələrində xəstəxanada ölməsi barədə Sabunçu rayon prokurorluğuna məlumat daxil olub.

Müəyyən edilib ki, Natiqi şəxsi münasibətlər zəminində mübahisə zamanı onunla eyni qəsəbədə yaşayan Adəm Quliyev öldürüb.

Adəmin barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.

Cinayət işi baxılması üçün Bakı Ağır Cinayətlər Məhkəməsinə göndərilib. İş hakim Əhməd Quliyevin sədrliyi ilə araşdırılıb.

Məhkəmədə təqsirləndirilən şəxs qismində ifadə verən Adəm elan olunmuş ittiham üzrə özünü qismən təqsirli bilib. O bildirib ki, Natiqə sadəcə xəsarət yetirmək istəyib, onu öldürmək niyyəti olmayıb.

Adəmin sözlərinə görə, Natiqi təxminən 2-3 ildir tanıyıb: "Natiq mənim tərəvəz əkdiyim torpaq sahəsinin yaxınlığında qoyun-quzu otarırdı. Mən şüyüd, turp, keşniş əkib becərir, onu bazarda sataraq ailəmi dolandırırdım. Tərəvəz əkdiyim torpaq sahəsinin yaxınlığında Natiqin də yonca sahəsi vardı.

Təxminən hadisədən 10 gün əvvəl Natiq qoyun sürüsünü tərəvəz əkdiyim torpaq sahəsinə buraxmışdı. Nəticədə 100-200 manat arası ziyana düşdüm".

Adəm qeyd edib ki, səhərisi gün saat 12 radələrində Natiqi görüb: "Ona iradımı bildirdim. Kobud şəkildə dedi ki, qiyməti nədirsə, denən verim. Bildirdim ki, söhbət puldan getmir, gərək qoyun sürüsünü oraya buraxmazdın. Həmin hadisədən sonra Natiqlə münasibətlərimiz pisləşdi.

Hadisədən 1 gün əvvəl Natiq zəng etdi, "sabah bıçaqla gəl çölə söhbətimizi həll edək" dedi. Mən də tərəvəz əkdiyim torpaq sahəsinə getdim. Saat 18 radələri idi. Natiqi orada gördüm. Oraya istifadəmdə olan "QAZ 3129" markalı avtomobilimdə getmişdim. Çatıb avtomobildən endim.

Natiq mənimlə yüksək səslə danışdı. Mən də ona "bu söhbət ayıbdır, bitirək bu məsələni" dedim. Lakin Natiq mübahisəyə davam etdi. Mənim pis tərəvəz satdığımı, onsuz da söyüş yiyəsi olduğumu bildirdi. Bundan sonra avtomobilimə əyləşdim, yaşadığım evə getdim".

Təqsirləndirilən şəxs qeyd edib ki, aprelin 2-də səhər yuxudan oyanıb və tərəvəz əkdiyi sahəyə gedib: "Evdən bıçaq da götürdüm, gödəkcəmin sağ yan cibinə qoydum. Avtomobildən düşüb tərəvəz biçməyə hazırlaşdım. Bu zaman gördüm ki, Natiq piyada gəzə-gəzə mənim olduğum tərəfə gəlir. Yenə mübahisə yaranacağını bildim. Natiq yenə bildirdi ki, qoyunlarını mənim sahəmdə otaracaq, görüm kim mənə nə edə bilər, oğlan istəyirəm ki, məni vursun.

Natiqə bütün bu mübahisələrin lazım olmadığını dedim, məsələni bağlamağı məsləhət bildim. O isə "lazım gəlsə səni də vuraram" dedi. "Məni vuran oğlan anasından olmayıb" deyə cavab verdim.

Natiq torpağımda qoyun otaracağını və mənim ona heç nə edə bilməyəcəyimi dedi. Bu söhbətlərdən bezdim. Natiqin yaxasından tutaraq itələşməyə başladım. O da gödəkçəmin yaxasından tutdu. Bu zaman gödəkçəmin sağ yan cibində olan bıçağı çıxardım və Natiqin sağ ayağından 1 dəfə vurdum. Aşağı əyiləndə ikinci dəfə onun boğazından xəsarət yetirdim.

Natiqin boğazından xəsarət aldığını gördükdə qorxdum. Dərhal avtomobilimi işə saldım, Natiqi avtomobilinin arxasında əyləşdirdim. Sürətlə sürərək onu xəstəxanaya çatdırmaq istədim. Lakin yolda avtomobilinin sol arxa təkəri boşaldı. Bundan sonra maşını Maştağa qəsəbəsinə, yaşadığım küçəyə sürdüm. Natiq yolda özündə idi, mənə dedi ki, hər kəsə məni at vurduğunu deyərik, sənə də problem yaranmaz, səhhətimdə ciddi bir şey yoxdur. Mən də razılaşdım.

Natiq bildirirdi ki, maşını asta sür, mənə heç nə olmayacaq, bir balaca boğazım kəsilib. Mən isə Natiqə sağalacağını bildirdim. Lakin Natiqin üzü şişmişdi, nəfəsi kəsilmişdu, təngnəfəs olurdu".

Adəmin sözlərinə görə, maşını İlham adlı şəxsin meyvə-tərəvəz satdığı yerin önündə saxlayıb: "Avtomobildən enərək kömək istədim. Natiqin təcili xəstəxanaya getməli olduğunu bildirdim. Natiqin qohumu kimi tanıdığım Talıbın dəmirçi işlədiyi yerə doğru getdim. Natiqi at vurduğunu və təcili xəstəxanaya aparılmalı olduğunu bildirdim.

Avtomobilimin təkəri yararsız hala düşdüyünə görə hərəkət edə bilmədi. Talib və onun yanında işləyən Mustafa adlı şəxs Natiqi xəstəxanaya apardılar. Bundan sonra meyvə-tərəvəz satıcısı İlhamdan mobil telefonunu istədim. Qardaşım Hikmətə və hamının Həcihüseyn adı ilə çağırdığı əmim oğluna zəng etdim. Onlara Natiqin vəziyyətinin pis olduğunu və xəstəxanaya getməli olduqlarını bildirdim. Hadisənin şokunda idim və yaşadığım evə doğru getdim. Bir neçə saat sonra qohumum Həcihüseyn və qardaşım Hikmət yaşadığım evə gəldi. Həcihüseyn Natiqin xəstəxanada öldüyünü dedi".

Adəm bildirib ki, bundan sonra 14-cü polis bölməsinə gedib və təslim olub. O, deyib ki, Natiqə xəsarət yetirdiyi bıçağı da bölməyə təqdim edib.

Adəm 9 il müddətinə azadlıqdan məhrum edilib./Teleqraf


Sonxeber.az
Telegramda izləyin
Kriminal   Baxılıb: 2139   Tarix: 01 yanvar 2023  

Şikayətiniz varsa Whatsapp: 077 7125666

Facebookda Paylaş


Xidmetler

Oxşar xəbərlər

.

Azərbaycanda ailə qətliamı: Nə baş verib? - TƏFƏRRÜAT

Azərbaycanda həyat yoldaşını və qayınatasını qətlə yetirən kişi sonda özünü də öldürüb. "Xəzər TV"yə istinadən xəbər verir ki, dəhşətli hadisə Sabirabad rayonunun Əsgərbəyli kəndində baş verib. Saatlı rayonunun Bəylik kənd sakini, 1963-cü il təvəllüdlü Nizami Məhərrəmov ov tüfəngi ilə həya

22 avqust 2021
.

Azərbaycanda DƏHŞƏT - Arvad ərini öldürüb, kolluqda gizlətdi

Neftçala rayonunda 9 il əvvəl törədilərək bağlı qalmış cinayətin açılması təmin edilmişdir. Baş Prokurorluqdan -a verilən məlumata görə, 09.02.2013-cü il tarixdə Neftçala rayon sakini Mənəfov Mayis Nazim oğlunun Neftçala şəhəri, M.Ə.Sabir küçəsində yerləşən qəbirstanlığın yanındakı kolluq ərazidə çürümü

10 sentyabr 2021
.

Azərbaycanda yeniyetmə 53 yaşlı kişini öldürdü - YENİLƏNİB

Sentyabrın 10-u saat 06:00 radələrində 1968-ci il təvəllüdlü Əli Əliyevin bıçaqlanaraq xəsarət alması nəticəsində ağır vəziyyətdə Göyçay Rayon Mərkəzi Xəstəxanasına daxil olması və orada ölməsi barədə rayon prokurorluğuna məlumat daxil olub. Göyçay Rayon Prokurorluğunda aparılan araşdırmalarla zərərçəkmişi

10 sentyabr 2021
.

Azərbaycanda qadın qonşusunu bıçaqla öldürdü

Prokurorluq Gəncə şəhərində qadının qətli ilə bağlı məlumat yayıb. Şəhər Prokurorluğundan -a daxil olan məlumatda deyilir:. "Avqustun 31-i saat 17 radələrində Gəncə şəhər sakini, 1963-cü il təvəllüdlü Sücayət Məmmədovanın öldürülməsi barədə şəhər prokurorluğuna məlumat daxil olmuşdur. Aparılmı

1 sentyabr 2021
.

DİN ötən gün törədilən cinayətlərlə bağlı MƏLUMAT YAYDI

Daxili İşlər Nazirliyi (DİN) sentyabrın 10-da qeydə alınmış cinayət və hadisələr haqqında statistik məlumatları açıqlayıb. DİN-in mətbuat xidmətindən -a bildiriblər ki, respublikanın daxili işlər orqanları ötən gün ərzində törədilmiş 49 cinayətin üstünü "isti izlər"lə açıblar. Əvvəlki dövrlərdə

11 sentyabr 2021
.

Narkotik yetişdirən Hacıqabul sakinləri SAXLANILDI

Hacıqabul Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi, eləcə də narkotik tərkibli bitkilərin kultivasiyası ilə məşğul olan şəxslər müəyyən edilərək məsuliyyətə cəlb olunublar. DİN-in Mətbuat Xidmətinin Şirvan regional qrupundan -a verilən məlumata görə, daxi

12 sentyabr 2021
.

"Anasına danışanda oğluna şər atdığımı dedi" - 10 il həbs verilən 26 yaşlı Nərmin

Ötən il Bərdədə həmcinsini güllələməkdə ittiham olunan 26 yaşlı Nərmin Mehrəliyeva 10 il müddətinə azadlıqdan məhrum edilib. Qətldə özünü təqsirli bilməyən N.Mehrəliyeva şəxsi istəyi olmadan cinsi əlaqəyə məcbur edildiyini bildirib. O, məhz həmin şəxsin anası Sevda Hacıyevanı ov tüfəngi ilə qətlə yetirməkd

2 sentyabr 2021
.

Gəncədə qadın qətlinin detalları: Hadisə yun çırpmaq üstündə olub - YENİLƏNİB

Ötən gün Gəncə şəhərində baş verən qətllə bağlı bəzi detallar məlum olub. Hüquq-mühafizə orqanlarından -a bildirilib ki, iki qonşu arasında baş verən mübahisə yun təmizləmək üstündə olub. Belə ki, Gəncə şəhər sakini, 1963-cü il təvəllüdlü Sücayət Məmmədova yaşadığı binanın qarşısında yun çırpırmış. B

1 sentyabr 2021
.

Qaxda baş verən yanğın məhdudlaşdırılıb

Qax rayonunun Güllük kəndi ərazisində hündür dağ zirvəsində dünən axşam saatlarından başlayan yanğın məhdudlaşdırılıb. "Report"un Şimal-qərb bürosunun məlumatına görə, əraziyə Qax Dövlət Yanğından Mühafizə Hissəsinin 2 yanğınsöndürən texnikası, 40 nəfər şəxsi heyəti, o cümlədən meşə təsərrüfat

25 avqust 2021