İmkanlı şəxslər Ağalıda evlərini özləri tikəcəklər - Xüsusi nümayəndəlikdən AÇIQLAMA

"Aztəminatlı məcburi köçkün ailələrinə dövlət tərəfindən evlər veriləcək".

Bunu Prezidentin Zəngilan xüsusi nümayəndəliyinin əməkdaşı Növrəs Cəfərov deyib.

O bildirib ki, imkanlı şəxslərə isə azad edilmiş ərazilərdə ev tikmələrinə şərait yaradılacaq:

"Evlərini fərqli formada tikmək istəyən sakinlər var. Onlar bu barədə bizə müraciət ediblər.

Misal olaraq, Ağalı kəndi tikilir, orada yaşayış var. Lakin Ağalıdan olan imkanlı şəxslər üçün bir ərazi ayrılacaq ki, istənilən adam gedib orada ev tikə bilsin. Artıq bu istiqamətdə işlər gedir.

Bu məsələni Prezidentin xüsusi nümayəndəsi Vahid Hacıyev də Qubadlı Rayon İcra Hakimiyyətində keçirdiyi görüşdə səsləndirdi. Orada da bununla bağlı suallar verildi, həmin sualları cavablandırıldı", - deyə o bildirib./Unikal

Telegramda izləyin