ABŞ-da sərnişin təyyarəsinin mühərriki yanıb

ABŞ-ın Kaliforniya ştatındakı Con Ueyn hava limanında uçuş-enmə zolağına çıxan təyyarənin mühərriki yanıb. 172 sərnişinin olduğu təyyarədən qatı tüstü qalxıb.

Sonxeber.az xəbər verir ki, Atlantaya uçuş-enmə zolağında hərəkət edən Delta Airlines sərnişin təyyarəsində partlayış səsi eşidilib. Bildirilib ki, təyyarənin mühərrik hissəsindən alov və tüstü çıxıb.

Pilotun təyyarəni saxladığı, bir sərnişinin sosial şəbəkədə paylaşdığı videoda təyyarədən tüstü çıxdığı görülüb.

Yanğınsöndürənlər yanğına müdaxilə edərkən bütün sərnişinlər təxliyə edilib.

Aviaşirkətdən verilən açıqlamada təyyarənin mühərrikində problem olduğu bildirilib.

Şəbnəm Lətifi

Telegramda izləyin