ABŞ-da əsgərlər üçün COVID-19 peyvəndi tələbi ləğv olunub

ABŞ-da əsgərlər üçün COVID-19 peyvəndi tələbi ləğv olunub.

Sonxeber.az xəbər verir ki, ABŞ Müdafiə Nazirliyi ölkə daxilində əsgərlər üçün COVID-19 peyvəndi tələbini ləğv edib.

Nazirlikdən verilən açıqlamada bildirilib ki, müdafiə naziri Lloyd Ostin əsgərlər üçün peyvənd tələbini ləğv edən bəyannaməni dünən imzalayıb.

Ostin qeyd edib ki, bəyanatda komandirlərə peyvənd olunmamış əsgərlərin yeridilməsi, təyinatı və digər əməliyyat qərarları kimi müxtəlif səlahiyyətlər də verilib.

Ostin, xüsusi hallarda komandirlərin şəxsi heyətə peyvənd öhdəliyi qoya biləcəyini deyib.

O, peyvəndin əsgərlərin sağlamlığına və ölkənin qorunmasına fayda verdiyini bildirib.

Respublikaçılar hesab edirlər ki, peyvənd tələbi hərbi xidmətə çağırışları azaldır. Ona görə də bu qərar respublikaçıların qələbəsi kimi qiymətləndirilib.

Bununla belə, bəzi Pentaqon rəsmiləri bu təcrübənin orduya qoşulmaq üçün vacib amil olmadığını iddia edirlər.

ABŞ Müdafiə Nazirliyi, 2021-ci ilin iyul ayında verdiyi yazılı açıqlamada bütün işçilərinə peyvənd tələbi tətbiq edib və peyvənd olunmayanları COVID-19 testindən keçməyə məcbur edib.

Şəbnəm Lətifi

Telegramda izləyin