İranda qaz partlayışı nəticəsində 6 nəfər ölüb

İranın Qərbi Azərbaycan əyalətinin Bukan şəhərində yaşayış binasında təbii qazın partlaması nəticəsində 6 nəfər ölüb, 4 nəfər yaralanıb.
Sonxeber.az xəbər verir ki, İranın rəsmi xəbər agentliyi İRNA-nın məlumatına görə Bukan Bələdiyyəsinin Yanğın və Təhlükəsizlik Xidmətinin rəhbəri Rəsul Marufi təbii qaz xəttindəki sızma nəticəsində baş verdiyi ehtimal edilən partlayışla bağlı açıqlama verib.

Yanğınsöndürmə qruplarının eyni ailədən 2-si uşaq olmaqla 6 nəfərin cansız cəsədini çıxardığını qeyd edən Marufi, biri yanğınsöndürən olmaqla, 4 yaralının xəstəxanada müalicəsinin davam etdirildiyini bildirib.

İranlı rəsmi qeyd edib ki, dağıntıların çıxarılması əməliyyatları ilə yanaşı, axtarış-xilasetmə işləri də davam edir.

İlk təsbitlərə görə hadisənin təbii qaz partlayışı olduğunu qeyd edən Marufi, partlayışın dəqiq səbəbinin hələlik məlum olmadığını, qaz şirkətinin mütəxəssislərinin araşdırmalarını davam etdirdiyini bildirib.

Bukan qubernatoru Babahan İskəndəri də partlayışın baş verdiyi bütün binanın və bitişik iki tikilinin 70 faizinin dağıldığını bildirib.
İsgəndəri ölən və yaralananların sayının artmasından narahat olduqlarını dilə gətirib.

Şəbnəm Lətifi

Telegramda izləyin