İsrail qüvvələri Cenində xəstəxanaya atəş açıb

İsrail qüvvələrinin işğal altındakı İordan çayının qərb sahilindəki Cenin şəhərində bir xəstəxanaya atəş açıb.
Sonxeber.az xəbər verir ki, bu barədə Fələstinin Səhiyyə naziri Mey Keyle açıqlama verib.

Keyle bildirib ki, Cenin Dövlət Xəstəxanasının direktoru Visam Bəkirdən aldığı məlumata görə İsrail qüvvələrinin atdığı güllələr uşaq baxım otağının və pediatrların iclas otağının pəncərələrinə dəyib.

Keyl beynəlxalq insan haqları qurumlarını beynəlxalq hüququn müharibə və münaqişə zamanlarında belə qorunmağa zəmanət verdiyi səhiyyə müəssisələrini qorumaq üçün müdaxilə etməyə çağırıb.

İsrail hələlik məsələ ilə bağlı açıqlama verməyib.

İsrail qüvvələrinin bu gün səhər saatlarında Cenin Qaçqınlar Düşərgəsinə təşkil etdiyi hücumda iki fələstinli ölüb. Qeyd olunub ki, İsrail qüvvələri basqın zamanı təcili yardım maşınlarının hadisə yerinə daxil olmasına icazə verməyib.

Şəbnəm Lətifi

Telegramda izləyin