Baş nazir bütün siyasi qüvvələri Pakistanın düşmənlərinə qarşı birləşməyə çağırıb

Pakistanın Peşəvər şəhərində məscidə bomba hücumundan sonra Baş nazir Şahbaz Şərif ölkədəki bütün siyasi qüvvələri düşmənə qarşı birləşməyə çağırıb.
Sonxeber.az xəbər verir ki, Şahbaz Şərif məsciddəki hücumla bağlı açıqlama verib.

Pakistanın baş naziri Şahbaz Şərif terrorçuların qorxu və çaxnaşma yaratmağa çalışdıqlarını deyib.

"Terrorçular öz alçaq hərəkətləri ilə insanlar arasında qorxu və panika yaratmaq istəyirlər. Bütün siyasi qüvvələrə mesajım Pakistanın düşmənlərinə qarşı birləşməkdir. Siyasi mübahisələrimizi sonra həll edərik" ,- deyə Şərif bildirib.

Qeyd edək ki, yanvarın 30-u Pakistanın Peşəvər şəhərində məscidə bomba hücumu olub.

Telegramda izləyin