Şahzadə Diananın şəxsi məktubları satışa çıxarılır - FOTOLAR

Uels şahzadəsi Diananın dostlarına yazdığı şəxsi məktubları hərraca çıxarılacaq.

BiG.AZ xəbər verir ki, bu barədə "Daily Mail" məlumat yayıb.

Satışda Şahzadə Diananın 1995 və 1996-cı illərdə yaxın dostları Syuzi və Tarek Kassemə yazdığı 32 məktub var. Məktublarında Ledi Di onu dəstəkləmələrini istəyir və deyir ki, əgər Şahzadə Çarlzın nə qədər "ümidsiz və çirkin" olacağını bilsəydi, boşanmağa heç vaxt razı olmayacaqdı. O, həmçinin dostları ilə onun davamlı olaraq izlənilməsi və telefonunun dinlənilməsi ilə bağlı şübhələrini bölüşüb.

"Bu məktublar uşaqlarımıza ötürmək istəmədiyimiz böyük bir məsuliyyətdir" - deyə Kassem ailəsi Diananın məktublarını satmaq qərarını izah edib.

Onlar qeyd ediblər ki, mərhum Uels şahzadəsinin məktubları fərdi olaraq satılacaq və əldə edilən gəlir Diananın dəstəklədiyi xeyriyyə təşkilatlarına gedəcək. Kassemlər 32 məktubunun 90.000 funt sterlinq dəyərində olacağını planlaşdırıb.

Telegramda izləyin