İndoneziyada 5,1 bal gücündə zəlzələ nəticəsində 4 nəfər ölüb

ABŞ Geoloji Xidməti (USGS) Papuanın şimal sahilindəki Cayapurada 5,1 bal gücündə zəlzələ baş verdiyini açıqlayıb.

Sonxeber.az xəbər verir ki, 22 kilometr dərinlikdə baş verən zəlzələdə "üzən restoran"ın dənizə aşması nəticəsində 4 nəfər ölüb.

Milli Fəlakət İdarəsi Agentliyinin (BNPB) sözçüsü Əbdül Muhari həyatını itirənlərin cəsədlərinin "üzən restoran"ın altında qaldıqları yerdən çıxarıldığını açıqlayıb.

Muhari bölgədəki bəzi binalara və səhiyyə ocaqlarına ziyan dəydiyini bildirib.

İndoneziyanın Aceh bölgəsində 2004-cü ildə baş verən zəlzələdən sonra təxminən 170.000 insan həyatını itirmişdi.

28 sentyabr 2018-ci ildə Sulavesi adasındakı Palu körfəzində baş verən 7,5 bal gücündə zəlzələ və sunami; Donqala, Palu, Sigi bölgələrinə təsir edib və 4340 nəfər həyatını itirib.

21 Noyabr 2022-ci ildə İndoneziyanın Qərbi Yava əyalətindəki Ciranjang şəhərindən 18 kilometr cənub-qərbdə baş verən 5,6 bal gücündə zəlzələdə 331 nəfər həyatını itirib, 600-ə yaxın insan yaralanıb.

"Sakit okean od halqası" adlanan zəlzələ və vulkanik qurşağında yerləşən İndoneziya dünyada təbii fəlakətlərdən ən çox zərər çəkən ölkələrdən biridir.

Şəbnəm Lətifi

Telegramda izləyin