Dağıntılar altında yuxuya gedən uşaq: "Nə baş verir" - VİDEO

Türkiyədə dəhşətli zəlzələdən sonra dağıntılar altında qalanların xilasetmə əməliyyatları davam edir.

BiG.AZ tükr mətbuatına istinadən xəbər verir ki, Kahramanmaraş şəhərində xilas olunan uşaqlardan birinin təəccüblə verdiyi sual görənlərin həm kövrəlməsinə, həm də təbəssümünə səbəb olub.

Belə ki, dağıntılar altında yuxuya gedən balaca oyandıqda gözlərini ovaraq "Nə baş verir?" sözləri ilə çaşqınlığını ifadə edib.

Xilasedicilər isə "Günaydın" deyərək, onu sakitləşdirməyə çalışıblar.

Həmin anı əks etdirən kadrları təqdim edirik:

Qeyd edək ki, Türkiyənin Kahramanmaraş şəhərinin Pazarcık rayonunda fevralın 6-da, səhər saatlarında 7,7 bal gücündə zəlzələ baş verib. Zəlzələdən Kahramanmaraş, Hatay, Qaziantep və Diyarbəkir də daxil olmaqla 10 vilayət zərər çəkib. Hadisədən dərhal sonra Türkiyənin 81 vilayətindən axtarış-xilasetmə qrupları təbii fəlakət bölgələrinə göndərilib. Son məlumatlara əsasən, təbii fəlakət nəticəsində ölənlərin sayı 12 873 nəfərə çatıb, 62 937 nəfər yaralanıb.

Telegramda izləyin