İran səfiri ölkəsində qadınların rolunu açıqladı

İranın bir çox sahələrdə əldə etdiyi nailiyyətlərdə qadınların böyük rolu var.
Bu barədə İranın Türkmənistandakı səfiri Qulam Abbas Ərbab Xales Aşqabadda İslam İnqilabının ildönümü şərəfinə təşkil edilən ziyafətdə bildirib.

O, çıxışı zamanı ölkənin son nailiyyətlərini sadalayıb. "Sözügedən nailiyyətlərdə qadınların rolu xüsusilə böyükdür", - səfir qeyd edib. "Onlar İranda 250-dən çox biliyə əsaslanan şirkət yaradıblar və 700-dən çox qadın belə şirkətlərin meneceri kimi çalışır. Hökumətin rəhbər vəzifələrində çalışanların təxminən 25%-i qadınlardır, həkimlərin 40%-i və universitet professorlarının 30%-i qadınlardır. Hazırda İran İslam Respublikasının beş səfiri qadın diplomatdır", - səfir deyib.

İran robototexnika üzrə dünyada dördüncü, polad sənayesində onuncu yerdədir. İslam Respublikası iri dəniz strukturları istehsal edə bilən azsaylı ölkələrdən biridir: İran dəniz sənayesində dünyada 13-cü yerə çatıb. O, həmçinin leykemiyanı gen terapiyası ilə müalicə etmək texnologiyasına sahib olan dünyada üçüncü ölkədir. İran ehtiyac duyduğu dərmanların 97%-ni ölkə daxilində istehsal edir və bir neçə ildir ki, tibbi turizmin regional mərkəzidir./Olke

Telegramda izləyin