Dörd cüdoçumuz mübarizəyə başlayır

Bu gün Özbəkistanın paytaxtı Daşkənddə cüdo üzrə "Böyük Dəbilqə" turniri start götürüb.

"Qafqazinfo" xəbər verir ki, yarışın ilk günündə Azərbaycanın dörd idmançısı mübarizə aparır.

60 kq

Bu çəkidə iki cüdoçumuz qüvvəsini sınayır. Əhməd Yusifov 1/16 finalda almaniyalı Moritz Plafki ilə üz-üzə gələcək.

Mübarizəyə 1/8 finaldan başlayacaq Rövşən Əliyev isə Nurkanat Serikbayev (Qazaxıstan) - Mutaz Xavca (Səudiyyə Ərəbistanı) cütünün qalibi ilə qarşılaşacaq.

66 kq

Kamran Süleymanov 1/16 finalda estoniyalı Vilcar Liparlı, Ruslan Paşayev isə almaniyalı Lennart Slamberqeri sınağa çəkəcək.

Martın 5-dək davam edəcək yarışda Azərbaycan 6 cüdoçu ilə təmsil olunur. Digər iki təmsilçimiz Nəriman Mirzəyevlə Rəşid Məmmədəliyev (hər ikisi 73 kq) mübarizəyə sabah qoşulacaq.

Telegramda izləyin