Lukaşenko edam fərmanı imzaladı

Belarus prezidenti Aleksandr Lukaşenko dövlətə xəyanət edən dövlət qulluqçularının edam və müxtəlif cəza növləri ilə bağlı müvafiq fərmanın müddətinin uzadılmasını nəzərdə tutan fərman imzalayıb.

Sonxeber.az xəbər verir ki, Belarus prezidenti Aleksandr Lukaşenko ölkəsində qulluq edən dövlət qulluqçuları ilə bağlı yeni fərman imzalayıb. Belarusun Prezidentlik portalında dərc olunan fərmana əsasən, Belarus dövlətinə xəyanət edən məmurlara müxtəlif cəzalar, xüsusilə də ölüm cəzası tətbiq oluna bilər. "Cinayət məsuliyyəti haqqında qanuna dəyişiklik edilməsi haqqında" fərmana əsasən, ekstremist və dövlət əleyhinə mübarizə çərçivəsində qəbul edilən qərarlar Belarusda xidmət edən bütün dövlət qulluqçularına şamil ediləcək. Fərmanda dövlətə nəzarəti ələ keçirmək, casusluq etmək, informasiya sızdırmaq, müxtəlif sui-qəsdlər hazırlamaq, terror təbliğatı aparmaq, Silahlı Qüvvələri, digər birlik və hərbi birləşmələri, hərbiləşdirilmiş strukturları gözdən salmaq, dövlətin müdafiəsi tələbini yerinə yetirməyənlər sərhədlər dövlətə xəyanət maddəsi ilə mühakimə oluna bilər.

Lukaşenkonun imzaladığı fərmana əsasən, Belarus məhkəmələrinin qərarına əsasən, bu cinayətlərdə təqsirli bilinən dövlət qulluqçuları edam oluna, həbs oluna və ya cərimələnə bilərlər. Bundan başqa, şübhəli dövlət qulluqçularının həbs müddəti 10 günə qədər uzadıla bilər.

Telegramda izləyin