Nepalda dağlara tək çıxmaq qadağan olunub

Nepalda 5 il əvvəl tətbiq edilən Everest dağına qalxmaq qadağanının ölkə daxilindəki bütün dağlarda tətbiq olunması qərara alınıb.

Sonxeber.az CNN-ə istinadən xəbər verir ki, dırmanma hökumət tərəfindən lisenziyalı bələdçi ilə və ya qrup halında edilə bilər.

"Təcili vəziyyətdə tək səyahət edənlərə kömək edəcək heç kim yoxdur. Şəhərlər yaxşıdır, lakin ucqar bölgələrdəki dağlarda infrastruktur kifayət deyil.Turistlər itirildikdə və ya ölü tapıldıqda, hökumət üçün onları izləmək çətindir, çünki onlar uzaq yollardan istifadə edirlər" ,- deyə Nepal Turizm Şurasının direktoru Mani R. Lamiçhane bildirib.

Lamiçhane, turizm dərnəklərinin uzun müddətdir eyni tələbi irəli sürdüyünü bildirdi.

Dağlara təkbaşına dırmaşmağa qadağa aprelin 1-dən qüvvəyə minəcək.

2018-ci ildə Nepal qəzaların sayını azaltmaq üçün dünyanın zirvəsi sayılan Everesti təkbaşına dırmaşmağı qadağan edib.

1920-ci ildən bəri 8848 metr yüksəklikdə yerləşən Everestdə 200-dən çox insan həlak olub.

Telegramda izləyin