Pakistanda qarşıdurmada 2 uşaq ölüb

Pakistanın Cənubi Vəziristan bölgəsində baş verən qarşıdurmada 2 uşaq həyatını itirib, 2 əsgər yaralanıb, 8 silahlı isə zərərsizləşdirilib.

Sonxeber.az xəbər verir ki, Pakistan ordusu Zinghara bölgəsində təhlükəsizlik qüvvələri ilə yaraqlılar arasında qarşıdurma baş verdiyini açıqlayıb.

Qarşıdurmada 2 uşaq həyatını itirib, 2 əsgər yaralanıb, 8 silahlı zərərsizləşdirilib.

Açıqlamada minaatanlardan istifadə etdiyi bildirilən yaraqlıların hansı təşkilatın üzvü olduğu barədə məlumat paylaşılmayıb.

Son aylar Pakistanda, xüsusən də Hayber Paxtunxva və Bəlucistan əyalətlərində terror hücumları artıb.

İslamabad bildirir ki, bu hücumlar Əfqanıstanda yerləşən Pakistan Talibanı (TTP) tərəfindən planlaşdırılıb və idarə olunub. Əfqanıstan bu iddiaları rədd edir.

Yanvarın 30-da Pakistanın Peşəvər şəhərində günorta namazı zamanı məscidə intiharçı hücumu nəticəsində əksəriyyəti polis olmaqla 102 nəfər həlak olub.

Martın 6-da Bəlucistanda intiharçı hücumu nəticəsində 10 polis əməkdaşı həlak olub.

Telegramda izləyin