De Byazinin siyahısında sual doğuran məqamlar: Klubunda şans qazanmayanların millidə nə işi var?

De Byazinin siyahısında sual doğuran məqamlar: Klubunda şans qazanmayanların millidə nə işi var?Azərbaycan millisinin AVRO-2024-ün seçmə mərhələsində Avstriya və İsveçlə keçirəcəyi oyunlar üçün açıqlanan heyəti futbol ictimaiyyəti tərəfindən birmənalı qarşılanmayıb.

"Report"un məlumatına görə, baş məşqçi Canni De Byazinin 27 nəfərlik siyahısı yığmaya çağırılması gözlənilən bəzi oyunçuların kənarda qalması ilə diqqət çəkib.

Premyer Liqada mövsümün üçüncü dövrəsini əhatə edən 2023-cü ildə baş tutan oyunlara əsasən, bəzi futbolçulara haqsızlıq edildiyi qənaətinə gəlmək olar. Eyni zamanda, siyahıda sürpriz adlar da az deyil. Bir sözlə, martın 24-də Avstriya, 27-də isə İsveçlə səfər görüşünə yollanacaq heyətdə kifayət qədər qəribəliklər mövcuddur:

Məsələn, italiyalı mütəxəssisin Tellur Mütəllimov, Rüstəm Əhmədzadə, Namik Ələskərov, Toral Bayramov, Ceyhun Nuriyev və Filip Ozobiçi hansı əsasla milliyə çağırdığı ilə bağlı izahı maraqlı olar. Axı adıçəkilən futbolçuların bu il klublarındakı varlıqları ilə yoxluqları bilinmir. Kiminsə vaxtilə heyətdə yer alması ona daim "yaşıl işıq" yandırmaq məcburiyyəti yaratmamalıdır. De Byazi başa düşməlidir ki, yığma komanda adından da göründüyü kimi, seçilənlərin yeridir. Bura adından, nüfuzundan asılı olmayaraq, hazır olanlar gəlməlidirlər. Milli futbolçunun forma yığması üçün nəzərdə tutulan yer deyil. De Byazi klublara yox, klublardakı həmkarları italiyalıya futbolçu hazırlamalıdır.

Ancaq görünən odur ki, "Neftçi"də zədədən yeni qayıdan Eddi İsrafilov, əsas heyətə düşməkdə çətinlik çəkən Azər Salahlı fiziki formalarını yaxşılaşdırmaq prosesini A millidə keçəcəklər. Bundan başqa, bir aya yaxındır futbol oynamayan Bəxtiyar Həsənalızadənin çağırılmasını da anlamaq çətindir.

Bəlkə də, De Byazi yuxarıda adları sadalanan oyunçulardan beynəlxalq təcrübələrinə görə əl çəkə bilməyib. Bu düşüncə isə yaxşı formada olan bir çoxlarının yolunu bağlayıb.

Yusif Nəbiyev, Fərid Nəbiyev (hər ikisi "Kəpəz"), Murad Musayev ("Qəbələ"), Şəhriyar Əliyev ("Turan Tovuz"), Rəhim Sadıxov, Qismət Alıyev (hər ikisi "Zirə"), Fuad Bayramov, Amil Yunanov (hər ikisi "Şamaxı") və Amin Seydiyev ("Sabah") mövsümün üçüncü dövrəsini yığmada olanların çoxundan qat-qat yaxşı keçiriblər. Hətta onların bəzilərinin beynəlxalq təcrübəsi də var.

"Şamaxı"dakı Cəlal Hüseynovdansa Fuad Bayramovun orada yer almağa daha layiq olduğunu görmək üçün heç mütəxəssis olmağa ehtiyac yoxdur. Eləcə də, "Sabah"da əcnəbilərin kölgəsində itib-batan Namik Ələskərovdansa və ya "Zirə"də baş məşqçinin yadına düşəndə meydana buraxdığı Rüstəm Əhmədzadədənsə, aşağı pillələrdəki "Şamaxı"da bu il 4 qol vurmağı bacaran Amil Yunanov ehtiyatdan hücumu gücləndirmək üçün heç də pis variant olmazdı. "Qəbələ"nin heyətində müdafiənin mərkəzində stabil çıxış edən Murad Musayev çağırılan həmkarlarından heç də zəif deyil.

Zədəli Şahruddin Məhəmmədəliyevin yoxluğunda qapıda dayanmağa ən layiqli qolkiper, şübhəsiz ki, Yusif İmanovdur. Gənc və təcrübəsiz ola bilər. Ancaq həm yaxşı formadadır, həm də beynəlxalq arenada şans əldə etməyi haqq etdiyini çıxışı ilə göstərib. Ondan fərqli olaraq, nə Səlahət Ağayev, nə də Emil Balayev indi yığmanı gücləndirəcək durumdadırlar. Qapı xəttindəki rəqabətsizlik baş məşqçini onlara möhtac qoyub. "Zirə"nin qolkiperi Mehdi Cənnətov da bu iki qapıçıdan birinin yerində ola bilərdi.

Legioner həyatı yaşayan elə çox futbolçu yoxdur ki, 4 nəfərin çağırılmasına hansısa irad bildirəsən. Yalnız Almaniyanın "Ertsgebirge" klubunda "ikinci bahar"ını yaşayan Dmitri Nazarovu da nəzərdən keçirmək olardı.

Azərbaycan millisinə çağırılan futbolçuların 2023-cü ildə keçirdikləri oyun və meydanda olduqları dəqiqə sayı aşağıdakı kimidir.

Premyer Liqada oynayanlar:

Yusif İmanov ("Sabah") – 9 oyun (810 dəqiqə): -5 qol

Səlahət Ağayev ("Qəbələ") – 9 oyun (810 dəqiqə): -14 qol

Emil Balayev ("Səbail") – 9 oyun (810 dəqiqə): -16 qol

Cəlal Hüseynov ("Şamaxı") – 9 oyun (810 dəqiqə)

Emin Mahmudov ("Neftçi") - 9 oyun (780 dəqiqə): 4 qol

Höccət Haqverdi ("Neftçi") - 9 oyun (759 dəqiqə): 1 avtoqol

Azər Əliyev ("Neftçi") - 9 oyun (726 dəqiqə)

Ramil Şeydayev ("Qarabağ") – 9 oyun (668 dəqiqə): 3 qol

Musa Qurbanlı ("Qarabağ") – 9 oyun (649 dəqiqə): 8 qol

Azər Salahlı ("Neftçi") - 9 oyun (488 dəqiqə)

Tellur Mütəllimov ("Sabah") – 9 oyun (303 dəqiqə)

Aleksey İsayev ("Sabah") - 8 oyun (687 dəqiqə): 1 qol

Elvin Camalov ("Sabah") - 8 oyun (664 dəqiqə)

Rüstəm Əhmədzadə ("Zirə") – 8 oyun (363 dəqiqə)

Elvin Cəfərquliyev ("Qarabağ") – 7 oyun (591 dəqiqə): 1 qol

Bəxtiyar Həsənalızadə ("Sabah") - 6 oyun (540 dəqiqə): 1 qol

Bəhlul Mustafazadə ("Qarabağ") – 6 oyun (479 dəqiqə)

Riçard Almeyda ("Qarabağ") – 6 oyun (369 dəqiqə)

Namik Ələskərov ("Sabah") – 6 oyun (270 dəqiqə)

Eddi İsrafilov ("Neftçi") – 5 oyun (363 dəqiqə): 1 qol

Toral Bayramov ("Qarabağ") – 5 oyun (225 dəqiqə)

Ceyhun Nuriyev ("Sabah") – 5 oyun (68 dəqiqə): 1 qol

Filip Ozobiç ("Qarabağ") – 4 oyun (116 dəqiqə)

Legioner həyatı yaşayanlar:

Ozan Can Kökçü ("Eyndhoven", Niderland) – 13 oyun (803 dəqiqə)

Renat Dadaşov ("Qrasshopper", İsveçrə) – 9 oyun (690 dəqiqə): 4 qol

Mahir Emreli ("Dinamo", Xorvatiya / "Konyaspor", Türkiyə) – 5 oyun (231 dəqiqə)

Anton Krivotsyuk ("Visla", Plotsk, Polşa / "Tecon Xana, Cənubi Koreya) – 4 oyun (360 dəqiqə)


Sonxeber.az Telegramda izləyin instagramda izləyin
İdman   Baxılıb: 489   Tarix: 19 mart 2023  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

Pelenin səhhəti yenidən pisləşib

Futbol üzrə üçqat dünya çempionu Pelenin səhhəti yenidən pisləşib. O, San-Pauludakı "Albert Enşteyn" xəstəxanasının yarımintensiv terapiya şöbəsinə köçürülüb. Braziliyalı futbol əfsanəsinin qırtlaq bölgəsində problemlər aşkar edilib. Ağırlaşmanın müvəqqəti olduğu, xüsusi müalicə və qulluq sayəsind

17 sentyabr 2021
.

Bekhemin futbolçu oğlu ilk peşəkar müqaviləsini imzalayıb

İngiltərə millisinin keçmiş futbolçusu Devid Bekhemin oğlu Romeo Bekhem karyerasında ilk peşəkar müqaviləsini imzalayıb. 19 yaşlı oyunçu ABŞ çempionatının üçüncü divizionunda çıxış edən "Fort Loderdeyl" klubuyla razılaşıb. Adıçəkilən kollektivin Devid Bekhemə məxsus olan və əsas birincilikd

6 sentyabr 2021
.

DÇ-2022-nin seçmə mərhələsi: İtaliya və Almaniyadan darmadağın, İngiltərə qələbəni əldən verdi

Futbol üzrə 2022-ci il Dünya çempionatının Avropa zonası üzrə seçmə mərhələsində növbəti turun oyunları baş tutub. Bugün daha 5 qrupda 12 qarşılaşma keçirilib. İtaliya millisi Litva üzərində 5:0 hesablı qələbə qazanaraq ardıcıl məğlubiyyətsiz oyunların sayı üzrə dünya rekordunu yeniləyib. İrlandiyan

9 sentyabr 2021
.

Ronaldodan xəsarət yetirdiyi xanıma hədiyyə - FOTO

"Mançester Yunayted"in ulduzu Kriştianu Ronaldo Çempionlar Liqasının qrup mərhələsində "Yanq Boyz"la matçdan əvvəl xəsarət yetirdiyi stüart qadına futbolkasını hədiyyə edib. "Qafqazinfo"ya istinadən xəbər verir ki, qarşılaşmadan sonra o, həmin xanıma yaxınlaşaraq hədiyyəsin

15 sentyabr 2021
.

Paralimpiya Oyunları başa çatdı: Azərbaycanın medal sıralamasındakı yeri bilindi

Tokioda keçirilən Yay Paralimpiya Oyunları başa çatıb. -ın xəbərinə görə, Paralimpiya komandamız tarixinin ən yaxşı nəticəsini göstərərək medal sıralamasında ilk "10-luq"da qərarlaşıb. Sonuncu gündə İtaliya daha bir qızıl medal qazanıb və yalnız gümüş sayına görə ölkəmizi qabaqlayıb. Beləliklə

5 sentyabr 2021
.

Rusiyada olimpiya çempionunun medalları OĞURLANDI

Rusiyada naməlum şəxslər tennis üzrə "Rio-2016" Olimpiya Oyunlarında qızıl və Tokio Olimpiadasında gümüş medal qazanan Elena Vesninanın evini qarət ediblər. xəbər verir ki, tennisçinin özü "TASS"a bildirib ki, digər əşyaları ilə birgə hər iki Olimpiya medalı da oğurlanıb. Onun sözlərin

12 sentyabr 2021
.

İngiltərə Premyer Liqası: "Tottenhem" darmadağın olundu - VİDEO

İngiltərə Premyer Liqasında dördüncü turun oyunları keçirilir. "Kristal Palas" dogma meydanda "Tottenhem"ə 3:0 hesabı ilə qalib gəlib. Oyunda qolları Zaha (76-cı dəqiqə) və Eduardo vurub (84-cü, 90+2 dəqiqə). Qeyd edək ki, bu, mövsüm başlayandan "Kristal Palas"ın ilk qələbəsidir

11 sentyabr 2021
.

Yerkökü yeyərkən çənəsini sındırdı - FOTO

Niderlandın "Herenven" klubunun futbolçusu Rami Kaib kuryoz hadisə yaşayıb. "Qafqazinfo"ya istinadən xəbər verir ki, isveçli müdafiəçi yerkökü yeyərkən çənəsini sındırıb. Bu barədə "Herenven" klubunun rəsmisi yerli mətbuata açıqlamasında deyib. Kaib bir müddət əvvəl çənəsində

13 sentyabr 2021
.

Transferlərə ən çox pul xərcləyən klublar açıqlandı – SİYAHI

Beynəlxalq İdman Araşdırmaları Mərkəzi (CIES Football Observatory) Avropanın aparıcı futbol liqalarında cari mövsüm öncəsi yeni heyətin formalaşdırılması üçün ən çox pul xərcləyən klubların reytinqini tərtib edib. Bir çox gözləntilərin əksinə olaraq, PSJ siyahıda yalnız üçüncü olub. İlk pilləni 1.0

7 sentyabr 2021