Şimali Koreya yeni raket sınağı keçirib

Yaponiya və Cənubi Koreya Şimali Koreyanın 2 ballistik raket atdığını açıqlayıb.
Sonxeber.az xəbər verir ki, 50 kilometr hündürlüyə çatan qısa mənzilli raketlər havada 350 kilometr məsafə qət edərək Yapon dənizinə düşüb. ABŞ və Cənubi Koreyanın bölgədəki təlimləri davam edir.
Cənubi Koreya və ABŞ birgə hərbi təlimlər keçirərkən, Şimali Koreya raket sınaqlarına yenisini əlavə edib.

Cənubi Koreya ordusu səhər saatlarında Şimali Koreyanın şərq sahilləri yaxınlığında dənizə iki ballistik raket atdığını açıqlayıb.

Yaponiya həmçinin Şimali Koreya tərəfindən atılan raketlər olduğu güman edilən iki mərminin Yaponiyanın azad iqtisadi zonası xaricindəki sulara düşdüyünü açıqlayıb.

Yaponiya mediası Şimali Koreya raketlərinin 50 kilometr yüksəkliyə çatdığını və 350 kilometr məsafə qət etdiyini vurğulayıb.

Yaponiyanın baş naziri Kişida öz qoşunlarına təyyarələrin və gəmilərin təhlükəsizliyini təmin etməyi tapşırıb.

ABŞ və Cənubi Koreyanın bölgədə keçirdiyi hərbi təlimlərə reaksiya verən Şimali Koreya ballistik və qanadlı raket sınaqlarını artırıb.

Ötən həftə Pxenyan administrasiyası pilotsuz sualtı nüvə zərbəsi aparan maşını sınaqdan keçirib.

Telegramda izləyin