Misir məbədində 2 000 ədəd qoç başı tapdılar - FOTO

Nyu-York Universitetinin arxeoloqları Misirin Abidos şəhərində firon II Ramzesin məbədində 2 000-dən çox mumiyalanmış qoç başı aşkar ediblər. Artefaktların yaşı 1 000 ildən artıqdır və onlar fironların altıncı sülaləsinə aiddirlər, bəzi tapıntıların isə hətta 4 300 ildən çox yaşı var.

Alimlər qoç qalıqları ilə yanaşı, mumiyalanmış itlər, çöl keçisi, inək, maral və dəvəquşu da tapıblar. Güman edilir ki, qədim misirlilər firon II Ramzesin ölümündən təxminən 1 000 il sonra onun şərəfinə burada heyvan mumiyaları qoyublar.

Burada arxeoloqlar həmçinin Köhnə Krallığın altıncı sülaləsinə aid "nəhəng binanın" qalıqlarını tapıblar. Binanın divarlarının qalınlığı 5 metrə yaxındır. Binanın özündə bir neçə heykəl, dəri ayaqqabı, paltar, papirus və hətta ağac qalıqları qorunub saxlanılıb.

Alimlər qeyd ediblər ki, kəşf Misirologiyanın inkişafında böyük rol oynaya bilər və II Ramzes məbədinin tikintisinə qədər qədim Abidosun görünüşü haqqında anlayışın bərpasına kömək edə bilər./Oxu.az

Telegramda izləyin