Berlin məktəblərində hicablı müəllimlərin işləməsinə icazə verilib

Almaniyanın paytaxtı Berlində məktəblərdə hicablı müəllimlərin işləyə biləcəklər.

Sonxeber.az xəbər verir ki, Almaniya Təhsil Nazirliyi məktəb rəhbərliyinə məktub göndərərək hicablı müəllimlərin dərs deyə biləcəyini bildirib.

Bildirilib ki, dini geyim və rəmzlərin geyilməsi yalnız məktəbin dincliyinə və ya dövlətin neytrallığına ciddi təhlükə yarandıqda qadağan edilə bilər.

Almaniya Konstitusiya Məhkəməsi 2015-ci ildə iki qadın müəllimin hicablı dərs deyə bilməsini təsdiqləyib və bu qərarda din azadlığının mücərrəd təhlükə səbəbindən məhdudlaşdırıla bilməyəcəyinə, ancaq kifayət qədər konkret olarsa, hicab qadağası tətbiq oluna biləcəyinə qərar verib.

Berlində məktəblər, polis qüvvələri və məhkəmə orqanlarında dini simvolların və geyimlərin geyilməsini qadağan edən "Qərəzsizlik Qanunu"na görə hicablı müəllimlərin məktəblərdə dərs deməsinə icazə verilmirdi.

Hicablı işləmək istəyən bəzi müəllimlər Berlin əyalət hökumətinə qarşı məhkəməyə müraciət edərək qalib gəliblər. Buna baxmayaraq, Berlin əyalət hökuməti "Qərəzsizlik qanunu"na arxalanaraq, hicablı müəllimlərin dərs deməsinə icazə verməyib. Müəllimlər açdıqları təzminat davalarında qalib gəlib və Berlin əyalətinin hicaba görə dövlət məktəblərində işə götürülməyən müəllimlərə 22 min 170 avro ödədiyi açıqlanıb.

Telegramda izləyin