İranın təxribat dolu "nota"sı - VİDEO

Tehran rejimi növbəti oyuna əl atıb. Öz aləmində diplomatik "nota" gönərib. Azərbaycanın bu ölkədəki səfirini Xarici İşlər Nazirliyinə çağırıb. Sual olunur. Hansı səfiri?! Bu ilin 27 yanvarında Azərbaycanın İrandakı səfirliyinə qarşı terror hadisəsi törətmıəklə 1961-ci il Vyana konvensiyasının müddəalarını kpbud şəkildə pozub. Bununla da rəsmi Bakı Tehrandakı səfirliyini təxliyyə edib. 2 aydan çoxdur ki, Azərbaycan İranla diplomatik münasibətlərini kəsib. Belə olan halda hansı diplomatik "nota"dan söhbət gedə bilər?! Məgər İran bilmir ki, nota diplomatik yazışma üçün səviyyəvi olan sənədlərdən biridir?! Nota bir dövlətin digər dövlətə siyasi məsələlər, əməkdaşlıq, razılaşma təklifləri ilə bağlı göndərdiyi xarici siyasət məktubudur. Protokola uyğun olaraq diplomatik notalar həftənin iş günləri göndərilir. Amma İranın diplomatik "nota"sı həftənin şənbə günü göndərilib. Üstəlik həmin dövlətin nümayəndəsi, yəni səfir xarici siyasət idarəsinə çağırılır və bu məktub ona təqdim edilir. Bütün bunların fonunda əminliklə söyləyə bilərik ki, böhran içində çabalayan Tehran rejimi din pərdəsi altında fitnə fəsad işlərindən əl çəkmir. Regionu çaxnaşma ocağına çevirdiyi bəs deyilmiş kimi, indi də tamaşa hazırlayıb.
Sinxron

İranın növbəti dayanacağı Azərbaycan mediasıdır. Şənbə günü göndərilən etiraz notasından da aydın olur ki, İran Azərbaycanın bəzi media qurumlarında "təhqiramiz davranışlardan yaman narahatdır. Hətta o dərəcədə narahatdır ki bunun davam etməsi iki ölkə arasında gələcək münasibətlərə mənfi və zərərli təsir göstərə bilər. Burda deyiblər yaman yerdə axşamladıq. Öz gözündə tiri görməyən Tehran rejimi Azərbaycanda tük axtarır. Maraqlıdır illərdir Azərbaycana qarşı qərəz və böhtan püskürən kimdir?

Əlbəttə niyyətimiz heç də günah keçisi axtarmaq deyil. Sadəcə olaraq ortada bəlli gerçək var. O da İranın Azərbaycana qarşı bitməyən təxribatları. Eləcə də səhər kanalı son illər deyil uun illərdi ki ölkəmizi hədəfə alıb. Tehran rejimi bunları görmür?! Hər halda Arazın o tayında oturub barmaq silkələməklə deyil. Ard-arda edilən təxribatların mütləq sonu olacaq.

Telegramda izləyin