ABŞ-da kimyəvi qatar qəzasını araşdıran qrup da xəstələnib

ABŞ-ın Ohayo ştatında qatar qəzasında yayılan kimyəvi maddələri araşdıran araşdırma qrupunun xəstələndiyi öyrənilib. ABŞ Xəstəliklərə Nəzarət və Qarşısının Alınması Mərkəzləri iddiaları təsdiqləyib.

Sonxeber.az xəbər verir ki, Kimyəvi qatar qəzasını araşdıran qrup da xəstələnib.
15 nəfərdən ibarət komandadan yeddisi martın 6-da apardıqları araşdırma zamanı xəstələnib.

Müstəntiqlərin simptomları arasında boğaz ağrısı, baş ağrısı, öskürək və ürəkbulanma var.

Bu əlamətlər qəzadan sonra təhlükəli kimyəvi maddələrin qarışığının havaya, suya və torpağa yayıldığı zaman ərazidə yaşayan sakinlərin yaşadıqları əlamətlərə uyğundur.

Simptomların komanda üzvlərində eyni vaxtda görünməyə başladığı və xəstələrin hamısının 24 saat ərzində işə dönəcək qədər sağaldığı bildirilib.

Fevralın 3-də Şərqi Fələstinin şəhəri yaxınlığındakı dəmir yolunda baş verən qəzada kimyəvi maddələr daşıyan 150 vaqonluq qatarın 50 vaqonunun relsdən çıxması nəticəsində partlayışlar baş verib.

Telegramda izləyin