"İran Azərbaycan-Ermənistan münaqişəsinin başladığı ilk günlərdən işğalçını müdafiə edib" - DEPUTAT

"Məlumdur ki, 30 ildən artıq bir müddətdir ki, Ermənistan Azərbaycana qarşı terror siyasəti həyata keçirir".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, bu gün Azərbaycan regionda sülhə və dinc həyata maneə olan Ermənistana qarşı mübarizə aparır:

"30 il müddətində nüfuzlu beynəlxalq təşkilatlar Azərbaycanın ərazi bütövlüyünü dəstəkləyən qətnamələr qəbul etdi. Bu təşkilatlardan biri də İslam Əməkdaşlıq Təşkilatıdır. Bu təşkilat da Azərbaycanı dəstəkləyən mövqe nümayiş etdirsə də İƏT-in üzvü olan İran açıq-aşkar təşkilatın mövqeyini heçə sayır. İranın təzadlı siyasəti regionda bütün tarazlıqları pozur. İran islam ölkəsi olsa da din qardaşına qarşı terroru dəstəkləyir. Bu təkcə siyasi məsələ deyil, həm də dini etiqadlarına da zidd bir vəziyyətdir, terror islam dinin pislədiyi və qəbul etmədiyi əmələrdəndir".

Deputat vurğulayıb ki, İslam Əməkdaşlıq Təşkilatı, Avropa Parlamenti, Avropa Şurası Parlament Assambleyası, Qoşulmama Hərəkatı ATƏT tərəfindən oxşar qərarlar qəbul edilib:

"Bütün bu qərarlar, qətnamələr Azərbaycanın ərazi bütövlüyünün bərpa olunmasını tələb edir. Mən çox təəssüf edirəm ki, İran təkcə bu gün yox, Azərbaycan-Ermənistan münaqişəsinin başladığı ilk günlərdən daim işğalçını müdafiə edib.
2022-2023-cü illərdə İranda baş verən etirazlar bu ölkənin daxili siyasi vəziyyətini çətinləşdirib. İran rejiminin indi ümid yeri Cənubi Qafqazdakı vəziyyəti getdikcə gərginləşdirməkdir. Hal-hazırda bölgədəki mövcud sabitliyə zərbə endirmək istəyən, regionda maraqları olan bəzi bəlli dairələr var.
Düşünürəm ki, hazırda dünyada qütbləşmə prosesi davam etsə də, İran Azərbaycanla münasibətləri qaydasına salmaq barədə düşünəcək".

Aysel Yusifqızı

Telegramda izləyin