Uşaq evindən çıxan Məhəmmədin direktorla fotosu yayıldı

Bakıdakı 3 saylı Uşaq Evinin direktoru Məhbubə Hüseynova və ondan şikayət etmiş Məhəmməd Hacıyevin bir arada görüntüsü yayılıb.

BiG.AZ xəbər verir ki, onların fotosu sosial şəbəkədə paylaşılıb.

Sözügedən uşaq evi ilə bağlı səsləndirilən məlumatlardan sonra yeniyetmə ilə direktorun birgə şəkli birmənalı qarşılanmayıb.

Xatırladaq ki, Bakı şəhərinin Xətai rayonu, 3 saylı Uşaq Evində qalan yeniyetmənin sözügedən müəssisə ilə bağlı şikayət videosu günlərlə müzakirə olunub. Məhəmməd Hacıyev həmin uşaq evində ərzağın mənimsənildiyini, uşaqlara yemək əvəzinə quru çörək verildiyini deyib. Bundan sonra o, 1 saylı Psixiatriya Xəstəxanasına yerləşdirilib. Məsələ geniş müzakirə yaratdıqdan sonra qardaşı Əli onu xəstəxanadan çıxardı.

Telegramda izləyin