Sabahla bağlı XƏBƏRDARLIQ EDİLDİ - Bu şəxslər ehtiyatlı olsun...

"Sabah ölkə rəazisində geomaqnit sahəsinin aktiv olacağı gözlənilir".

Bunu BAKU.WS-ə açıqlamasında Şamaxı Astrofizika Rəsədxanasının əməkdaşı, Aynur Abdulkərimova bildirib.

Onun sözlərinə görə, geomaqnit sahəsinin aktivliyi günəşdə baş verən fəallıqla əlaqəlidir və günəş küləyi vasitəsilə geomaqnit sahəsinə təsir edən yüklü zərrəciklər yerin maqnit xətlərini kəsərək geomaqnit qasırğasına səbəb olur:

"Bu ay üçün 20, 27 və 30 aprel tarixlərində zəif geomaqnit qasırğasının olacağı proqnozlaşdırılır. 18 apreldə isə geomaqnit sahəsinin aktiv olacağı gözlənilir. Maqnit qasırğalarının yüksək səviyyələrində radio siqnalların, peyk rabitəsinin kəsilməsi baş verə bilər. Sualtı internet kabellərinin, peyklərin, elektrik şəbəkələrin zədələnməsi də baş verə bilər ki, nəticədə insanlar üçün böyük problem yaranar".
Qeyd edək ki, maqnit qasırğasının əsas təsiri meteohəssas insanlara aiddir. Bu şəxslərdə elektromaqnit dalğası fonunda qan təzyiqi dəyişir, haldan-hala düşülür və başqa hallar qeydə alınır. Həmin şəxslər proqnozlara diqqət etməli, imkan daxilində göstərişlərə əməl etməli, evdə qalmalı və həkimlə əlaqə saxlamalıdır. Maqnit qasırğası zamanı daha çox qan təzyiqi oynayır, nəbz yüksəlir, ürək döyünməsi artır, boğulmalar və başqa hallar baş verə bilir.

Telegramda izləyin