"Azərbaycan vaxtında çox doğru qərar qəbul edərək yarışlarda iştirakdan imtina etdi" - DEPUTAT

"Ermənistanda keçirilən, bu ölkənin Baş nazirinin də iştirak etdiyi beynəlxalq yarışmada Azərbaycan bayrağının yandırılması, bu cinayəti törədən şəxsə Ermənistanda qəhrəman münasibətinin bəslənməsi bu millətin vəhşi və barbar olduğunu bir daha göstərdi. Ermənistan və ermənilər uzun illərdir bütün dünyada təbliğat aparır ki, Azərbaycanlılar vəhşi və barbar xalqdır. Ona görə bizim onlarla birgə yaşamağımız qeyri-mümkündür. Əslində isə reallıq göz qabağındadır. Əsl vəhşi və barbar ermənilərdir. Heç şübhəsiz ki, erməniləri belə cinayətləri ard-arda törətməyə təşviq edən cəzasızlıqdır. Nə qədər ki, beynəlxalq təşkilatlar ermənilərin Azərbaycanlılara qarşı törətdikləri cinayətlərə hüquqi qiymət verməyib, onları cəzalandırmayıb belə də olacaq".

Bu sözləri Sonxeber.az-a Milli Məclisin deputatı Ceyhun Məmmədov deyib.

O bildirib ki, hər zaman olduğu kimi, bu dəfə də Azərbaycana və Azərbaycanlılara qarşı hər zaman kəskin mövqeyi ilə seçilən beynəlxalq təşkilatlar, nə də ayrı-ayrı dövlətlər ermənilər tərəfindən Azərbaycan əsgərinə və bayrağına qarşı törədilən vəhşiliklə bağlı kəskin mövqe nümayiş etdirmədilər.

"Yoxsa erməni və xristian təəssübkeşliyi, islamafob və türkəfob düşüncə tərzi bu vəhşilikləri görməyə imkan vermir? Reallıq budur.
Eyni zamanda, düşünürəm ki, Azərbaycan vaxtında çox doğru qərar qəbul edərək yarışlarda iştirakdan imtina etdi. Belə vəhşiliyə elə də kəskin reaksiya olmalı idi. Özünə hörmət edən hər bir dövlət elə etməli idi. Beynəlxalq idman təşkilatları da bu məsəldə öz kəskin mövqelərini ortaya qoymalı, bu barbarlığı qətiyyətlə pisləməlidirlər. Əks halda belə təxribatlar davamlı xarakter alacaq".

Telegramda izləyin