"Bugünkü ayətullahlar ermənilərə dəstək verir" - Deputat

"İran terroru dəstəkləyən və maliyyələşdirən dövlətdir. Biz İranın siyasətini təhlill etdikdə görürük ki, burada 100 il bundan əvvəl də, daha sonra da terror olub. Bu gün də həmin siyasət davam edir".

Bunu Sonxeber.az-a danışan millət vəkili Nəsib Məhəməliyev deyib.

Deputat qeyd edib ki, hər zaman tədbirli və ehtiyatlı olmağımız vacibdir:

"Hüquq-mühafizə orqanlarımız bu istiqamətdə kifayət qədər effektiv fəaliyyət göstərir. Amma heç kim gələcəyindən sığortalı deyil. Hüquq-mühafizə orqanlarıyla yanaşı, cəmiyyətimiz də bütövlükdə bu sahədə maariflənməlidir. Əhali kimlərinsə boş vədlərinə, yalan populist çıxışlarına, saxta nağıllara inanmamalıdır. Bu, çox vacib bir amildir".

Deputatın sözlərinə görə, əsas narahatedici məqam odur ki, İranın əsl siması göstərilsə də, bəzi insanlar öz düşmənlərini tanıya bilmirlər:

"İnsanlarımız bilməlidirlər ki, İranda olan ayətullahlar ermənilərə dəstək verir və düşmənimizin yanındadırlar. O düşmən ki, uşaqdan böyüyə hər birimizi məhv etməyə hazırdır. Xocalı soyqırımında və digər qətliamlarda bunun şahidi olduq. Ermənilər hər bir türkün, azərbaycanlının qanını içməyə hazırdırlar. Çünki ermənilər xəstə millətdir. Həmin o ayətullahlar da bu gün ermənilərə silah verir, dəstək olur və bütün məsələlərdə düşmənin yanındadırlar. İnsanlarımız bilməlidir ki, düşmənin yanında olmaq özünü məhv etmək və oturduğun budağı kəsmək deməkdir. Əmin olun ki, sabah hansısa bir erməni hücum edərsə, "İranın dostudur" deyib sizə güzəşt etməyəcək. Onların anlayışına görə, azərbaycanlı və türksünüzsə, məhv olunmalısınız. Ona görə də xalqımız bu barədə ayıq-sayıq olmalı, dostunu və düşmənini yaxşı tanımalıdır".

Mehriban Xəlilli

Telegramda izləyin