Bakının bu ünvanında söküntü - 170 ailəyə pul kartlara oturdulacaq - VİDEO

Bakıda Nəsimi rayonunda "Kubinka" adlanan ərazidə aparılan söküntü işləri ilə bağlı problem yaranmasını xəbər vermişdik.

BAKU.WS xəbər verir ki, məsələnin ictimailəşməsindən sonra "ARB Xəbər" "Kubinka"da olub həm sakinləri, həm də şirkət rəsmisini danışdırıb.

Sakinlərin bir qismi açıqlamasında bildirib ki, onlara pul yox, yeni tikiləcək binadan mənzillər təklif edilib. Digər qism binaların uzun müddətə tikiləcəyini əsas gətirərək şirkətlə aralarında problem yarandığını dilə gətirib.

"RR Constructions" tikinti şirkətinin direktoru Rafael Abdullayev isə deyib ki 5 hektar 60 sot ərazini əhatə edəcək layihə mərhələli şəkildə tikilərək sakinlərə təhvil veriləcək. Layihənin ilkin mərhələsində 238 ailənin köçürülməsi nəzərdə tutulub ki, onların 170-i şərtlərlə razılaşaraq müqavilə bağlayıblar.
"Bütün evlər qəzalı vəziyyətdədir və FHN-nin buna dair rəyi var. Vətəndaşların haqqına girilmir və mövcud neçə kvadrat evləri varsa, üstünə əlavə edilməklə mənzil verilir. Kirayə haqları kartlara oturdurulur, bünövrəyə başladıqdan sonra iki ilin tamamında tam təmirli mənzillərə qovuşacaqlar",-deyə Rafael Abdullayev əlavə edib.

Telegramda izləyin